ایئرپورٹس آؤٹ سورسنگ کے خلاف سی اے اے ملازمین کےاحتجاج کےبعداہم پیش رفت سامنے آئی ہے، جس کے مطابق وزیر ہوابازی سعدرفیق نےسی اے اے یونینز کے سربراہان کوملاقات کی دعوت دی ہے۔
اس ضمن میں نسی اے اےہیڈکوارٹر سےتحریری طور سی اے اے یونینز کے سربراہان کو آگاہ کر دیا گیا ہے۔
وزیر ہوابازی خواجہ سعدرفیق سے یونین سربراہوں کی ملاقات 30 جولائی بروز اتوار لاہور میں ہوگی۔
اس حوالے سے سی اے اے یونینز کے سربراہان کو خدشات اور تجاویز تحریری طور لانے کی ہدایت کی گئی ہے۔
اس ملاقات میں سول ایوی ایشن ملازمین کی نمائندہ یونینز کے سربراہان اور دیگر نمایندے بھی مدعو ہیں جب کہ وفاقی وزیر سعد رفیق نےڈی جی سی اے اے، وفاقی سیکریٹری ہوا بازی کو بھی لاہور طلب کر لیا ہے۔
