حکومت پاکستان کی دعوت پر چین کے نائب وزیراعظم لی فینگ آج 3 روزہ دورے پر پاکستان پہنچ رہے ہیں۔ اسلام آباد کی ضلعی انتظامیہ نے 2 روزہ چھٹی کا اعلان کر دیا ہے۔ 31 جولائی اور یکم اگست کو اسلام آباد میں مقامی تعطیل ہوگی۔
نوٹیفیکیشن کے مطابق 31 جولائی اور یکم اگست کو عام مقامی تعطیل ہوگی۔ عام تعطیل کا اعلان چیف کمشنر کی منظوری سے کیا گیا ہے۔ سکول، کالجز، نجی دفاتر، بازار، دکانیں اور بینک بھی بند رہیں گے۔
ترجمان ضلعی انتظامیہ کا کہنا ہے کہ اعلی سطح غیرملکی وفد کی آمد کی وجہ سے عام تعطیل کا اعلان کیا گیا ہے، اس سلسلے میں وفاقی دارالحکومت میں سیکیورٹی کے فول پروف غیرمعمولی انتظامات کیے گئے ہیں۔
