پاکستان کرکٹ بورڈ کے سابق چیئرمین اعجاز بٹ طویل علالت کے بعد آج لاہور میں انتقال کر گئے۔ ان کی عمر 85 برس تھی۔
سابق ٹیسٹ کرکٹراعجاز بٹ کے داماد عارف سعید نے انتقال کی تصدیق کرتے ہوئے بتایا ہے کہ اعجاز بٹ طویل عرصے سے بیمار تھے۔
اعجاز بٹ نے 8 ٹیسٹ میچز میں پاکستان کی نمائندگی کی اور 2008 سے 2011 تک چیئرمین پی سی بی کے عہدے پر بھی فائز رہے۔ ان کی پی سی بی کی سربراہی کے دوران پاکستانی کرکٹ ٹیم نے یونس خان کی قیادت میں 2009 کا ٹی ٹوئنٹی ورلڈ کپ کے فائنل میں کامیابی حاصل کی تھی۔
پاکستان کرکٹ بورڈ کی جانب سے اعجاز بٹ کے انتقال پر افسوس کرتے ہوئے اہل خانہ سے تعزیت کا اظہار کیا گیا ہے۔
