خیبر پختونخوا کے ضلع دیربالا میں برفباری نے پچھلے دس سالوں کا ریکارڈ توڑ دیا جبکہ تین دن وقفے وقفے سے جاری بارش اور برفباری کا سلسلہ تھم گیا ہے۔
میڈیا رپورٹس کے مطابق دیربالا میں رواں سال ریکارڈ برفباری ہوئی جبکہ تین روز سے وقفے وقفے سے برفباری کے بعد درختوں اور پہاڑوں نے سفید چادر اوڑھ لی ہے۔
سیاحتی مقام وادی عشیری اور لواری میں برفباری سے ان علاقوں کے حسن میں مزید اضافہ کر دیا ہے جس سے سیاح بھی یہاں پہنچ گئے۔
شدید برفباری سے لوگوں کو مشکلات کا سامنا ہےجبکہ مقامی افراد اپنے گھروں کی چھتوں اور آمدورفت کے راستوں سے برف صاف کرتے تھک گئے ہیں۔
