اسلام آباد، پاکستان ٹیلی کمیونیکیشن اتھارٹی (پی ٹی اے)نے نیشنل ٹیلی کام سیکیورٹی آپریشن سینٹر (این ٹی سوک) کا آغاز کر دیا ہے جو ٹیلی کام کے شعبے میں سائبر سیکیورٹی سے متعلقہ امور کی مینجمنٹ کے حوالے سے ایک مرکزی پلیٹ فارم ہے۔
این ٹی سوک کا قیام پاکستان کی قومی سائبرسیکیورٹی پالیسی 2021 اور الیکٹرانک جرائم کی روک تھام کے ایکٹ (پی ای سی اے 2016) کے تحت عمل میں لایا گیا ہے، تاکہ پاکستان کے اہم ٹیلی کام ڈیٹا وانفراسٹرکچر کو سائبر حملوں سے تحفظ فراہم کیا جا سکے۔
یہ تین اہم بنیادی عناصر پر مشتمل ہے:
سیکیورٹی انڈینسڈ اینڈ ایونٹ مینجمنٹ (ایس آئی ای ایم)، تھریٹ انٹیلی جنس، اور سیکیورٹی
آرکیسٹریشن اور آٹومیٹڈ ریسپانس (ایس او اے آر) جو مقامی سطح پر ملک کی سائبر سیکیورٹی کی درجہ بندی میں بہتری لانے کے لئے انتہائی اہمیت کے حامل ہیں۔
پی ٹی اے کی جانب سے جاری کردہ بیان میں بتایا گیا ہے کہ این ٹی سوک کا انضمام ٹیلی کام آپریٹروں کے ایس او سی اور قومی کمپیوٹر ایمرجنسی رسپانس ٹیم (سی ای آر ٹی) کے ساتھ ہوگا جس کے تحت واقعے کے ردعمل کو فوری طور پر مؤثر انداز میں یقینی بنایا جائے گا۔ چھ ٹیلی کام آپریٹروں کو این ٹی سوک کے ساتھ ضم کر دیا گیا ہے۔
جلد دیگر آپریٹرزاورانفراسٹرکچرکمپنیوں کوبھی سینٹرکیساتھ منسلک کردیا جائےگا۔ اس منصوبے کے تحت سائبرتحفظ کے بڑھتے ہوئے خطرات کا مقابلہ کرنے اور فراہم کردہ سلوشن میں مسلسل اضافے جیسے اقدام شامل ہیں۔
