پاکستان کرکٹ بورڈ (پی سی بی) مینجمنٹ کمیٹی کے سربراہ ذکا اشرف کو عہدے سے ہٹانے کی سمری وزیراعظم پاکستان کو ارسال کر دی گئی ہے۔
وزارت بین الصوبائی رابطہ کی جانب سے سمری وزیراعظم آفس کو ارسال کی گئی ہے، جس میں کہا گیا ہے کہ گزشتہ حکومت کی جانب سے سیاسی بنیادوں پر کی گئی تقرریوں کو ختم کیا جائے، اور ذکا اشرف کو عہدے سے ہٹایا جائے۔
مزید پڑھیں
اس کے علاوہ چیئرمین فیڈرل لینڈ کمیشن کو عہدے سے ہٹانے کی سمری بھی نگراں وزیراعظم کو بھوا دی گئی ہے۔
وزیراعظم کو بھیجی گئی سمری میں موقف اختیار کیا گیا ہے کہ الیکشن کمیشن کے نوٹیفیکیشن کے مطابق سیاسی بنیادوں پر تعینات کیے گئے اداروں کے سربراہان کو ہٹایا جائے۔
واضح رہے کہ سابق اتحادی حکومت نے 5 جولائی کو پی سی بی کی نئی مینجمنٹ کمیٹی بنانے کی منظوری تھی، ذکا اشرف کو اس کمیٹی کا چیئرمین مقرر کیا گیا تھا۔