عمران خان خود ضمانتیں لے رہے اور کارکنان کو جیل جانے کا کہہ رہے ہیں، شیری رحمان

وفاقی وزیر برائے ماحولیاتی تبدیلی سینیٹر شیری رحمان نے ٹوئیٹ کیا ہے کہ عمران خان جیل بھرو تحریک کیلئے خود کو اور اپنے پارٹی رہنمائوں کو نہیں بلکہ ورکرز کو آگے کر رہے ہیں۔

شیری رحمان کا مزید کہنا تھا تحریک انصاف نے اعلان کیا ہے کہ 200 کارکنان لاہور اور 200 پشاور میں گرفتاری دیں گے۔ افسوس ہے کہ عمران خان اور دیگر پی ٹی آئی رہنما کارکنان کو اپنی سیاست کا ایندھن بنا رہے ہیں۔

سیاسی قائد ہر تحریک میں اپنے کارکنان کی قیادت کرتے ہیں۔ عمران خان ہمت کریں اور جیل بھرو تحریک کی قیادت کریں۔ اپنے کارکنان کی حوصلہ افزائی کے لئے جیل جانے کی پہل کریں۔

کیا آئے روز عدالت سے میڈیکل گراؤنڈ پر حفاظتی ضمانت لینے والوں کے کہنے پر لوگ جیل جائے گے؟ عدالت بلائے تو کہتے ہیں ڈاکٹر نے آرام کا مشورہ دیا ہے۔

آصف علی زرداری ہسپتال سے عدالتوں میں پیش ہوتے تھے۔ عمران خان کے لئے الگ اور دوسروں کیلئے الگ قانون کا سلسلہ اب بند ہونا چاہئے۔