اسلام اباد ایئر پورٹ پر سیلف چیک ان کیوسکس نصب کردی گئی ہیں۔
ایئر پورٹ حکام کے مطابق پہلے مرحلے میں دو عدد سیلف چیک-ان کیوسکس نصب کی گئی ہیں۔ سیلف چیک-ان کیوسکس اسلام آباد انٹرنیشنل ایئرپورٹ کے ڈومیسٹک روانگی پر فراہم کی گئی ہیں۔
حکام کے مطابق اسلام آباد ائرپورٹ پر کیوسکس کی سہولت پی آئی اے کے تعاون سے فعال کر دی گئی ہیں۔ کیوسکس سے مسافروں کا چیک-ان وقت کم ہوگا اور ائیرپورٹ کی کارکردگی میں مزید بہتری آئے گی۔
ایئرپورٹ حکام کا کہنا ہے سیلف چیک-ان کیوسکس سے ایئر لائن کاؤنٹرز پر قطاروں میں کمی میں مدد ملے گی۔ دیگر ڈومیسٹک ایئر لائنز بغیر سامان کے مسافروں کو یہ سہولت استعمال کرنے کی ترغیب دے سکتی ہیں۔
