پاکستان کرکٹ بورڈ (پی سی بی) نے اسلام آباد کرکٹ ایسوسی ایشن کے صدر اور سیکریٹری کو کام سے روک دیا۔
تفصیلات کے مطابق ریجنل کرکٹ ایسوسی ایشن اسلام آباد کے صدر شکیل شیخ اور سیکریٹری ناصر اقبال کو اسلام آباد ریجن کے انتخابات میں بے ضابطگیوں کی انکوائری کے نیتجے میں کام کرنے سے روک دیا گیا ہے۔ اس حوالے سے پی سی بی الیکشن کمشنر نے نوٹیفیکیشن بھی جاری کردیا ہے۔
اسلام آباد ریجن کے معاملات جنید اختر کی سربراہی میں ایک ایڈہاک کمیٹی کے سپرد کردیے گئے ہیں۔ ایڈھاک کمیٹی میں چیئرمین جنید اختر کے علاوہ عبدالسمیع اور اجمل صابر بھی شامل ہیں۔
ایڈ ہاک کمیٹی کو 30 روز کے لیے روز مرہ کے امور سر انجام دینے کی ذمہ دوری سونپی گئی ہے۔
