آسٹریلوی ٹیم کے کپتان پیٹ کمنز کا کہنا ہے کہ ایلیکس کیری جب سے پاکستان کے سوئمنگ پول میں گرے ہیں وہ ایک مختلف بیٹر بن گئے ہیں ۔
میڈیا سے گفتگو کے دوران پیٹ کمنز سے بیٹر ایلکس کی پرفارمنس سے متعلق سوال کیا گیا جس پر کمنز نے مزاحیہ تبصرہ کرتے ہوئے کہا کہ پاکستان میں سوئمنگ پول میں گرنے کے واقعے نے ایلکس کیری کی قسمت بدل دی۔
انہوں نے کہا کہ دورہ پاکستان میں جب وہ سوئمنگ پول میں گرے تب سے وہ ایک مختلف بیٹر بن گئے، تب سے وہ ٹیسٹ کرکٹ میں 60 کی ایوریج سے کھیل رہے ہیں۔
واضح رہے کہ مارچ 2022 میں پاکستان کے تاریخی دورے پر آئے آسٹریلوی وکٹ کیپر بیٹر ایلیکس کیری ہوٹل کے سوئمنگ پول میں گر گئے تھے۔
آسٹریلوی کپتان پیٹ کمنز نے ہی انسٹاگرام پر ایلکس کیری کو مینشن کرتے ہوئے 2 ویڈیوز شیئر کیں جس میں دوسرے کھلاڑیوں سے خوش گپیوں میں مصروف ایلکس باتیں کرتے کرتے پول میں پول میں گرتے دیکھا گیا تھا۔
