لاہور کی اینٹی کرپشن کی خصوصی عدالت نے سابق وزیراعلٰی پنجاب کے بیٹے راسخ الٰہی، قیصرہ الٰہی اور زہرہ الٰہی کی عبوری ضمانتیں 9 اکتوبر تک منظور کرلی گئیں۔
اینٹی کرپشن عدالت کے جج علی رضا اعوان نے عبوری ضمانتوں پر سماعت کی۔ درخواست گزار نے موقف اختیار کیا کہ سیاسی انتقام کا نشانہ بنایا جارہا ہے، عدالت عبوری ضمانت منظور کرے۔
عدالت نے کارروائی کرتے ہوئے ملزمان کو شامل تفتیش ہونے کی ہدایت کرتے ہوئے ملزمان کی ضمانتیں 9 اکتوبر تک منظور کر لیں۔ عدالت نے ملزمان کو 50، 50 ہزار روپے کے ضمانتی مچلکے جمع کرانے کی بھی ہدایت کردی۔
عدالت نے سماعت ملتوی کرتے ہوئے آئندہ سماعت پر اینٹی کرپشن سے تفتیشی رپورٹ طلب کرلی۔
واضح رہے ملزمان کے خلاف اینٹی کرپشن نے مقدمہ درج کررکھا ہے۔
