کراچی پولیس نے لیاری کے علاقے میں چھاپہ مار کر 25 باکس مختلف کاسمیٹکس کا سامان، 29 باکس چائنہ لاک پیڈ اور 20 کارٹن ملائیشین دھاگے کے بنڈل(رول) برآمد کرتے ہوئے 2 ملزمان گرفتار کرلیے۔
ایس ایس پی امجد حیات ،ڈسٹرکٹ سٹی پولیس کراچی کے مطابق برآمدہ سامان کی مالیت لاکھوں روپے اور ملزمان کو علاقہ تھانہ بغدادی کی حدود سے گرفتار کیا گیا۔ ملزمان کی شناخت شمشیر اور عزیز الرحمٰن کے ناموں سے ہوئی ہے۔
ملزمان کو انٹیلیجنس بیسڈ ٹارگٹڈ کارروائی کرتے ہوئے گرفتار کیا گیا۔ مزید کارروائی کے لیے ملزمان و برآمدہ سامان کو کسٹم حکام کے حوالے کیا جا رہا ہے۔
