پاکستان کرکٹ ٹیم ورلڈ کپ میں شرکت کے لیے لاہور پہنچ گئی، ایئرپورٹ پر شائقین کی ایک بڑی تعداد پاکستان کرکٹ ٹیم کے استقبال کے لیے موجود تھی۔
پاکستان کرکٹ ٹیم کے بھارت میں شاندار استقبال نے جہاں شائقین کو تعریف پر مجبور کیا، وہیں پاکستان پیپلز پارٹی کے چیئرمین بلاول بھٹو زرداری بھی بھارت میں پاکستانی ٹیم کے استقبال کے معترف نظر آئے۔
سماجی رابطوں کی سائیٹ ایکس پر اپنے بیان میں ان کا کہنا تھا کہ ورلڈ کپ میں شرکت کے لیے پاکستانی کرکٹ ٹیم کل رات بھارت پہنچی جس کا بھارتی عوام نے شاندار استقبال کیا۔
انہوں نے پاکستانی ٹیم کے لیے نیک خواہشات کا اظہار کرتے ہوئے کہا کہ جیت کر ہمارے سر فخر سے بلند کر کے آئیں۔
The Pakistan cricket team reached India last night for the World Cup to a heartwarming reception by the Indian people. Good luck Team Pakistan, make us proud ! @TheRealPCB #ICCWorldCup pic.twitter.com/0xDPpheAj1
— BilawalBhuttoZardari (@BBhuttoZardari) September 28, 2023
ایک صارف نے پاکستان ٹیم کے بھارت میں شاندار استقبال پر بھارتیوں کا شکریہ ادا کرتے ہوئے لکھا کہ یہ نا قابلِ یقین ہے۔
This is unbelievable – thank you India 🇮🇳 https://t.co/fLsnn3ItOY
— Muhammad Shah (@MShahNSRPK) September 28, 2023
سجاد علی قریشی لکھتے ہیں کہ انشاء اللہ ہماری ٹیم جیت کر واپس آئے گی۔
ہم سب کی دعاؤں سے انشاءاللہ ہماری ٹیم جیت کر واپس آئے گی
— سجاد علی قریشی (@sajjadisb) September 28, 2023
واضح رہے کہ پاکستان کرکٹ ٹیم نے 7 سال بعد بھارت کا دورہ کیا ہے، اس سے قبل 2016 کا ٹی 20 ورلڈ کپ کھیلنے کے لیے ٹیم بھارت گئی تھی۔
