بھارت کے معروف کرکٹر ویرات کوہلی کو ورلڈ کپ سے قبل بڑی خوشخبری ملی ہے اور اطلاعات ہیں کہ وہ دوسرے بچے کے باپ بننے والے ہیں۔
ویرات کوہلی نے بالی ووڈ کی معروف اداکارہ انوشکا شرما سے شادی کی ہوئی ہے اور اس سے قبل وہ ایک بچی کے والد ہیں۔
بھارتی میڈیا کا کہنا ہے کہ ویرات کوہلی کی اہلیہ انوشکا شرما دوسری مرتبہ حاملہ ہونے کی وجہ سے ان دنوں کسی بھی تقریب میں شرکت یا سفر سے گریز کر رہی ہیں۔
مزید پڑھیں
میڈیا رپورٹس کے مطابق انوشکا شرما کو اپنے شوہر ویرات کوہلی کے ساتھ حال ہی میں ایک میٹرنٹی ہوم میں دیکھا گیا ہے جس سے ان کے حاملہ ہونے کی خبروں کو تقویت ملتی ہے۔
ابھی تک ویرات کوہلی یا انوشکا شرما کی جانب سے ان خبروں کی تصدیق یا تردید نہیں کی گئی۔
بھارتی میڈیا پر یہ خبریں سامنے آنے کے بعد ویرات کوہلی اور انوشکا شرما کے چاہنے والوں کو انتظار ہے کہ ویرات یا انوشکا کب اس سے پردہ اٹھائیں گے۔
یاد رہے کہ بھارتی کرکٹر ویرات کوہلی اور بالی ووڈ اداکارہ انوشکا شرما کی شادی 2017 میں ہوئی تھی جس کے بعد جوڑے کے ہاں 2021 میں بچی کی پیدائش ہوئی تھی۔