سابق صدر مملکت آصف علی زرداری لاہور سے کراچی کے لیے روانہ ہو گئے ہیں۔
پیپلزپارٹی کے شریک چیئرمین آصف زرداری نے لاہور میں تقریباً 2 ہفتے تک قیام کیا۔
آصف علی زرداری نے اپنے قیام کے دوران مختلف پارٹی رہنماؤں سے ملاقاتیں کیں اور آئندہ عام انتخابات کی حکمت عملی پر تبادلہ خیال کیا۔
لاہور میں قیام کے دوران آصف زرداری پاکستان مسلم لیگ ق کے صدر چودہری شجاعت حسین سے بھی ملے اور سیاسی امور پر گفت و شنید کی۔
شریک چیئرمین پیپلزپارٹی آصف زرداری سے بلوچستان سے تعلق رکھنے والے سیاسی رہنماؤں نے بھی لاہور میں آکر ملاقاتیں کیں، اس موقع پر سابق رکن بلوچستان اسمبلی سیدہ رقیہ ہاشمی کے فرزند سید حسنین ہاشمی نے پیپلزپارٹی میں شمولیت کا اعلان کیا۔
