سوشل میڈیا سے شہرت حاصل کرنے والے گلوکار استاد چاہت فتح علی خان نے آئی سی سی ورلڈ کپ 2023 کے لیے خصوصی ترانہ ریلیز کر دیا۔
چاہت فتح علی خان نے سماجی رابطوں کی سائیٹ ’ایکس‘ پر اپنے نئے ترانے کی ویڈیو شیئر کی۔
ریلیز کی گئی ویڈیو میں چاہت فتح علی خان کو اپنے نئے ترانے ’جیتیں گے بھئی جیتیں گے‘ گنگناتے ہوئے دیکھا جا سکتا ہے۔
Aslaam O Alikum G
ICC Cricket World Cup 2023
Song ( released ) MashaAllah pic.twitter.com/r8EUNYs1o7— Chahat Fateh Ali Khan (@chahat_fateh) October 3, 2023
چاہت فتح علی خان کی جانب جاری کیا گیا پی ایس ایل کا ترانہ سوشل میڈیا پر کافی وائرل ہو رہا ہے۔
صارفین کی جانب سے اس پر دلچسپ تبصرے بھی جاری ہیں، کسی نے اس ترانے کو ورلڈ کپ کے آفیشل ترانے سے بہتر قرار دے دیا تو کسی نے علی ظفر کے لیے ٹف مقابلہ قرار دے دیا۔
ایک صارف مسکان نے چاہت فتح علی خان کی ویڈیو پر تبصرہ کرتے ہوئے کہا کہ ان کا یہ ترانہ ورلڈ کپ کے آفیشل ترانے سے بہت بہتر ہے۔
Better than official world cup song https://t.co/JwvP4QFRGw
— MUSKAN (@Mussskey) October 3, 2023
ایک صارف نے لکھا کہ ’اب تو ہم جیتیں گے ہی‘ ساتھ ہی انہوں نے مشورہ دے ڈالا کہ چاہت فتح علی خان کو کرکٹ شوز میں بطور ایکسپرٹ مدعو کیا جانا چاہیے۔
Ab to jeetayn gay hee. 😍 Chahat bhai should be an expert on cricket shows https://t.co/QL24VWKO3t
— Ali Wahab (@ali1wahab) October 4, 2023
ایک صارف نے چاہت فتح علی خان کے ترانے پر تبصرہ کرتے ہوئے لکھا کہ تاریخ گواہ ہے کہ چاہت فتح علی خان نے جب بھی کرکٹ کا ترانہ گایا ہے تب، تب پاکستانی ٹیم کی جیت ہوئی ہے، انہوں نے کہا کہ پچھلی بار چاہت فتح علی خان نے پی ایس ایل گانا گایا اور پاکستان پی ایس ایل جیت گیا تھا، انہوں نے امید ظاہر کی کہ اس بار نئے ترانے کے بعد پاکستان ورلڈ کپ بھی جیت جائے گا۔
History is a witness that whenever Chahat Fateh Ali Khan has sung the cricket anthem, then the Pakistani team has won. Last time, he sang PSL song, and Pakistan won PSL easily.#PAKvAUS #ICCCricketWorldCup https://t.co/RmBTe3o1Ge
— Taha Sohail Khan (@tahasohail0507) October 3, 2023
گوندل نامی صارف لکھتے ہیں کہ ہارنے والی ٹیم کو بطور سزا چاہت فتح علی خان کا گانا زبردستی سنوانا چاہیے۔
https://twitter.com/Gondal5555/status/1709284859070304402?s=20
ایک صارف نے کہا کہ یہ گانے سے زیادہ پاکستانی ٹیم کا شیڈول لگ رہا ہے کہ کس ٹیم کے ساتھ پاکستان کا میچ کب کھیلا جائے گا۔
یہ گانے سے زیادہ پاکستان ٹیم کا شیڈول لگ رہا
— Mian Wasim 🇵🇰 (@MianWasim87) October 4, 2023
فہیم امتیاز لکھتے ہیں کہ اب ہمیں ورلڈ کپ جیتنے سے کوئی نہیں روک سکتا۔
Now no one can stop us to win this World cup. https://t.co/5E5EQFWdKf
— 𝐅𝐚𝐡𝐞𝐞𝐦 𝐈𝐦𝐭𝐢𝐚𝐳 (@famino__) October 3, 2023
واضح رہے کہ چاہت فتح علی خان جن کا اصل نام کاشف رانا ہے، اپنے منفرد انداز میں گانے کی وجہ سے اکثر میڈیا کی توجہ کا مرکز بنے رہتے ہیں۔
گزشتہ سال چاہت فتح علی خان سوشل میڈیا پر وائرل ہوئے تھے۔
ان کے ایک تفریحی گانے کی ویڈیوز نے سوشل میڈیا پر لاکھوں لوگوں کو اپنی طرف متوجہ کیا۔
چاہت فتح علی خان نے پاکستان سپر لیگ کے لیے بھی ایک گانا گایا۔
