کرکٹ شائقین کے لیے خوشخبری ہے کہ کھیلوں کے میگا یونٹ اولمپکس گیمز میں اب کرکٹ کے مقابلے بھی دیکھنے کو ملیں گے۔
دی اولمپکس گیمز نے اپنے سوشل میڈیا پلیٹ فارم ایکس پر بتایا ہے کہ اولمپکس 2028 کے منتظمین نے یونٹ میں 5 نئے کھیل شامل کرنے کی تجویز دی ہے، ان 5کھیلوں میں بیس بال، سافٹ بال، کرکٹ، فلیگ فٹبال، لیکروس اور اسکواش شامل ہو سکتے ہیں۔
Five sports have been proposed by the @LA28 Organising Committee for inclusion at the Olympic Games in Los Angeles in five years’ time:
⚾ Baseball-softball
🏏 Cricket
🏈 Flag football
🥍 Lacrosse
⚫ SquashThe final decision will be made in the coming days. pic.twitter.com/kU1303jY0A
— The Olympic Games (@Olympics) October 9, 2023
اگر اس تجویز کی منظوری دے دی گئی تو یہ پہلا موقع ہو گا کہ اولمپکس گیمز میں کرکٹ کے مقابلے دیکھنے کو ملیں گے۔
دوسری جانب انٹرنیشنل کرکٹ کونسل نے اولمپکس گیمز 2028 میں کرکٹ کو شامل کرنے کی تجویز پر خوشی کا اظہار کیا ہے اور کہا ہے کہ منتظمین کی سفارشات آئی او سی کی طرف سے حتمی منظوری سے مشروط ہوں گی، اس تجویز پر غور کے لیے نومبر میں ممبئی میں ایک سیشن مقرر کیا جائے گا جس میں اس حوالے سے فیصلہ کیا جائے گا۔
A massive step for cricket and its bid for inclusion at the 2028 Olympic Games.
Details 👇https://t.co/S7p3FzK2tk
— ICC (@ICC) October 9, 2023
واضح رہے کہ اولمپکس گیمز 2028 امریکا کے دوسرے بڑے شہر لاس اینجلس میں ہوں گی۔
