چیئرمین پاکستان کرکٹ بورڈ مینجمنٹ کمیٹی ذکاء اشرف نے قومی ٹیم کو ورلڈ کپ 2023 کے دوران 14 اکتوبر کو احمد آباد میں ہونے والے بھارت کے خلاف میچ میں بے خوف کھیلنے کا مشورہ دے دیا۔
چیئرمین پی سی بی ذکاء اشرف نے کہا کہ بھارت کے خلاف اہم میچ میں بے خوف ہو کر کھیلیں جیسے پورے ایونٹ میں کھیلتے رہے ہیں، مینجمنٹ کمیٹی اور پوری قوم کھلاڑیوں کے ساتھ ہے۔
مزید پڑھیں
انہوں نے کہا کہ خوشی ہے پاکستان ٹیم نے اب تک ورلڈکپ میں عمدہ کارکردگی کا مظاہرہ کیا ہے۔ بھارت جانے کے فیصلے پر بات کرتے ہوئے ذکاء اشرف کا کہنا تھا کہ صحافیوں کو پاسپورٹ جمع کرانے کے لیے کہا گیا تو میں نے بھارت جانے کا فیصلہ کیا۔
چیئرمین کمیٹی ذکاء اشرف نے کہا کہ وزارت خارجہ نے ویزوں میں تاخیر کے حوالے سے مثبت پیش رفت پر مدد کی ہے۔
واضح رہے کہ بھارتی سفارتخانے نے ورلڈکپ کے ویزے کے لیے پاکستانی صحافیوں سے رابطے شروع کردیے ہیں اور صحافیوں کو ویزے کے لیے فوری طور پر پاسپورٹ جمع کرانے کی ہدایت کی ہے۔
