گلوکار علی ظفر نے اپنے مداحوں سے کیا وعدہ پورا کرتے ہوئے، پاک بھارت ہیوی ویٹ ٹاکرے کے موقع پر ورلڈ کپ کا ترانہ ریلیز کر دیا، ترانے کو ’مزہ آیا‘ کا ٹائٹل دیا گیا ہے۔
علی ظفر نے سماجی رابطے کی ویب سائٹ ایکس پر گانے کا ٹیزر شیئر کیا، گلوکار نے اپنے پیغام میں لکھا کہ ’مزہ آیا‘ ترانہ ریلیز ہو چکا ہے، یوٹیوب پر جا کر آپ اس ترانے سے لطف اندوز ہو سکتے ہیں۔
I wish I had more time… but
For the love of cricket and my fans… once again… BHAEE HAZIR HAI 🤟
PRESENTING: MAZA AYA. Enjoy ! 🎉🏏
Link to video 👉 https://t.co/GUdNLbCVE8#AliZafar #AZ #CWC23 #Cricket #CricketWorldCup #CricketWorldCup2023 #BhaeeHazirHai #INDvsPAK pic.twitter.com/8F8U0gzwSd
— Ali Zafar (@AliZafarsays) October 14, 2023
انہوں نے مزید لکھا کہ کاش میرے پاس مزید وقت ہوتا لیکن پھر بھی شائقین کرکٹ اور اپنے مداحوں کے پیار کی خاطر بھائ ایک بار پھر حاضر ہے۔
Fans se barh ker kuch nahin. Dhun ke ilaawa, jo kuch kiya 2-3 din mein kiya hai. koshish poori ki baaqi aapki nazar pe. Qubool kijiye ga.
Kal shoot aur dance plan kiya – aaj video shoot abhee tak jaari hai – raat bher mein koshish ho gi video edit ho jaaye aur saath saath audio… https://t.co/XuZtW5HV1q pic.twitter.com/ehgxdkgjnz
— Ali Zafar (@AliZafarsays) October 12, 2023
علی ظفر نے 2 روز قبل ایکس پر گانے کی شوٹنگ کی ویڈیو شیئر کرتے ہوئے لکھا تھا کہ جو بھی کیا 2،3 روز میں کیا، اس سے پہلے کوئی بھی پلاننگ نہیں تھی۔ اب جب گانا ریلیز ہوگا تو آپ لوگوں نے اس پر اپنی رائے دینی ہے۔
علی ظفر نے اپنے دوستوں اور ٹیم کے ہمراہ اندرون لاہور میں اس ترانے کی ویڈیو شوٹ کرتے ہوئے کہا کہ اس گانے کا مزہ نہ آئے تو پیسے واپس کر لینا۔
علی ظفر کا ورلڈ کپ کے لیے تیار کیا گیا ترانہ ریلیز کے چند لمحوں کے بعد ہی سوشل میڈیا پر وائرل ہوگیا، مداحوں نے کمنٹس میں تبصرہ کیا کہ’مزہ آگیا‘۔
واضح رہے یوٹیوب پر اب تک ترانے کے ویڈیو پر ہزاروں ویوز آچکے ہیں۔
