پاکستان کرکٹ بورڈ نے پاکستان سپر لیگ (پی ایس ایل) فرنچائزز کا ہنگامی اجلاس طلب کر لیا ہے ۔
ذرائع کے مطابق پی ایس ایل فرنچائزز کا اہم اجلاس کل ہو گا، اجلاس میں لاہور اور راولپنڈی کے پی ایس ایل میچز کراچی منتقل کرنے پر بات ہو گی۔
اطلاعات کے مطابق پی سی بی فرنچائزز سے مشاورت کے بعد لاہور اور راولپنڈی کے میچز کراچی منتقل کرے گا، پنجاب حکومت نے میچز کرانے کیلئے 50 کروڑ روپے طلب کیے ہیں۔
ذرائع کے مطابق پی سی بی نے کھانے پینے کی مد میں 5 کروڑ روپے کی ادائیگی کر دی ہے تاہم پنجاب حکومت نے لائٹنگ اور سیکیورٹی کی مد میں باقی 45 کروڑ روپے بھی ادا کرنے کا مطالبہ کیا ہے۔
ذرائع کے مطابق کراچی میں میچز کرانے کے لیے یہ اخراجات ادا کرنے نہیں پڑتے، پی سی بی یہ اخراجات بچانے کے لیے کراچی میچز منتقل کر سکتا ہے۔
