پیپلز پارٹی کے راہنما سعید غنی نے کہا ہے کہ کراچی میں تحریک انصاف والے ریلو کٹے نکلے ہیں،عمران نازی کا جیل بھرو اعلان ایک اور ڈرامہ ثابت ہوا ہے،سیاسی تربیت کیلئے عمران خان کو سال دو سال کے لیئے جیل جانا ہو گا۔
اپنے ایک بیان میں سعید غنی نے کہا کہ پی ٹی آئی والے ایک طرف جیل سے گھبراتے ہیں دوسری طرف عمران نازی سے بھی ڈرتے ہیں، کراچی میں پی ٹی آئی والے ریلو کٹے نکلے۔
سعید غنی نے کہا کہ جتنے پی ٹی آئی والے جیل گئے تھے خان صاحب نے ان کیلئے ایک کہانی گھڑ کر بدنام کیا ، عمران نازی کا جیل بھرو اعلان ایک اور ڈرامہ ثابت ہوا۔
انہوں نے کہا کہ عمران خان کی جیل بھرو تحریک کا مقصد عمران اور گوگی بچاؤ تحریک ہے، سیاسی تربیت کیلئے عمران خان کو سال دو سال کے لیے جیل جانا ہو گا۔