ترجمان این ڈی ایم اے کے مطابق این ڈی ایم اے کی جانب سے روانہ کیے گئے 21 ٹرک ترکیہ پہنچ گئے۔ 275 ٹن لوڈ کی امدادی کھیپ میں کمبل، خیمے اور دیگر اشیاء شامل ہیں۔ این ڈی ایم اے نے سامان براستہ ایران 11 فروری کو روانہ کیا تھا۔
ٹرکوں کا قافلہ قصبے ملاٹیا میں ترکیہ کے ڈپٹی میئر اور دیگر متعلقہ اداروں کے نمائندوں نے وصول کیا۔ ترجمان کے مطابق آج صبح مزید دو پروازیں امدادی سامان لیکر ترکیہ روانہ ہوئیں۔ لاہور سے چارٹرڈ کارگو کے ذریعے 1029 خیمے اور 4000 کمبل روانہ کیے گئے۔
ترجمان این ڈی ایم اے کے مطابق پاکستان کی جانب سے براستہ سمندر جلد مزید امداد روانہ کی جائے گی۔
