جماعت اسلامی پاکستان کے امیر سراج الحق نے کہا ہے کہ یہی وقت ہے کہ اہل فلسطین کی مدد کی جائے۔ فلسطین کے عوام اسرائیل اور امریکا کے سامنے سیسہ پلائی دیوار بن کر کھڑے ہیں۔
سیالکوٹ میں ’لبیک یا فلسطین یوتھ کنونشن‘ سے خطاب کرتے ہوئے سراج الحق نے کہاکہ اسرائیل کا وجود ناجائز ہے، آج سے 76 سال قبل اس کا کوئی وجود نہیں تھا۔ دنیا کی شیطانی قوتیں غزہ کو صفحہ ہستی سے مٹانا چاہتی ہیں۔
مزید پڑھیں
انہوں نے کہاکہ اسرائیل نے غزہ پر چند روز میں اُتنی بمباری کر دی ہے جتنی امریکا نے کئی سالوں میں افغانستان میں کی۔
سراج الحق نے کہاکہ اہل فلسطین پتھر اور غلیل اٹھا کر اسرائیل کا مقابلہ کر رہے ہیں۔ فوج کا مقابلہ فوج کو کرنا چاہیے، اس وقت متحد ہو کر اسرائیل کا مقابلہ کرنے کا وقت ہے۔
اسماعیل ہنیہ کی غزہ کی صورت حال پر سراج الحق کو بریفنگ
قبل ازیں جماعت اسلامی پاکستان کے امیر سراج الحق نے قطر میں حماس کے سربراہ اسماعیل ہنیہ سے ملاقات کی۔
امیر جماعت اسلامی سراج الحق دوحہ قطر میں حماس کے سربراہ اسماعیل ہنیہ سے ملاقات کر رہے ہیں۔ اس موقع پر اسماعیل ہنیہ نے غزہ کی موجودہ صورت حال پر مکمل بریفنگ دی، پاکستان اور باقی دنیا میں غزہ کے لیے آواز اٹھانے پر جماعت اسلامی اور پاکستانی قوم کا شکریہ ادا کیا۔ جماعت اسلامی کے… pic.twitter.com/sFAv80eHU2
— Jamaat e Islami Pakistan (@JIPOfficial) November 12, 2023
اس موقع پر اسماعیل ہنیہ نے غزہ کی موجودہ صورت حال پر سراج الحق کو مکمل بریفنگ دی، انہوں نے پاکستان اور باقی دنیا میں غزہ کے لیے آواز اٹھانے پر جماعت اسلامی اور پاکستانی قوم کا شکریہ ادا کیا۔
اس موقع پر جماعت اسلامی کے ڈائریکٹر امورخارجہ آصف لقمان قاضی بھی موجود تھے۔
