خیبر پختونخوا کے علاقے ڈیرہ اسماعیل خان کے ذیلی ڈویژن درازندہ میں دہشتگردوں کے حملے میں گیس ڈریلنگ کمپنی کا ایک اہلکار جاں بحق 12 زخمی ہو گئے ہیں۔
ریسکیو1122 کے مطابق خیبر پختونخوا کے علاقے ڈیرہ اسماعیل خان کے ذیلی ڈویژن درازندہ میں گیس ڈریلنگ کمپنی (پرائیویٹ) کی کانوائے پر دہشتگردوں نے حملہ کیا ہے، جس کے نتیجے می ایک اہلکار جاں بحق اور 12 زخمی ہو گئے ہیں۔
ریسکیو1122 کی میڈیکل ٹیموں نے تمام زخمیوں کو درازندہ ٹاپ ڈی اسپتال منتقل کردیا ہے۔
زخمیوں میں سے 2 اہلکاروں کی حالت تشویشناک ہے، شدید زخمی افراد کو درازندہ سے ڈی ایچ کیو ڈیرہ اسماعیل خان منتقل کر دیا گیا ہے۔
واضح رہے کہ ڈیرہ اسماعیل خان میں آئل اینڈ گیس کمپنیوں کے اہلکاروں پر ایک ہفتے میں یہ دوسرا حملہ ہے، 7 نومبر کو ڈیرہ اسماعیل خان میں ایک آئل اینڈ گیس کمپنی کے کیمپ پر دہشتگروں نے حملہ کیا تھا جس کے نتیجے میں 2 پولیس اہلکار جاں بحق اور 2 زخمی ہوئے تھے۔
