پاکستان میں عام انتخابات کو تقریبا 3 ماہ سے بھی کم عرصہ باقی رہ گیا ہے، انتخابات سے قبل جہاں ملکی سیاسی جماعتیں جوڑ توڑ میں مصروف ہیں وہیں بیرونی ممالک بھی پاکستان کے انتخابات میں گہری دلچسپی لے رہے ہیں۔
مزید پڑھیں
پاکستان کی بڑی سیاسی جماعتوں کے رہنماؤں سے امریکا اور برطانیہ کے سفیروں نے الگ الگ ملاقاتیں کی ہیں اور میڈیا رپورٹس کے مطابق ملاقاتوں میں آئندہ عام انتخابات پر تبادلہ خیال کیا گیا ہے۔
پاکستان مسلم لیگ ن کے قائد نوازشریف سے لاہور میں امریکا کے سفیر ڈونلڈ بلوم نے ملاقات کی۔
پاکستان مسلم لیگ (ن) کے قائد محمد نوازشریف سے امریکی سفیر ڈونلڈ بلوم کی ملاقات
لاہور: 18 نومبر
پاکستان مسلم لیگ (ن) کے قائد محمد نواز شریف سے امریکی سفیر ڈونلڈ بلوم نے ملاقات کی۔
محمد نواز شریف نے پاکستان اور امریکہ کے درمیان تعلقات کی اہمیت پر زور دیا۔ قائد مسلم لیگ (ن) نے… pic.twitter.com/E0GvNYjqaz
— PMLN (@pmln_org) November 18, 2023
اس کے علاوہ پاکستان پیپلزپارٹی کے شریک چیئرمین و سابق صدر مملکت آصف علی زرداری سے برطانوی ہائی کمشنر جین میریٹ کی ملاقات ہوئی ہے۔
کراچی: پاکستان پیپلزپارٹی پارلیمنٹرینز کے صدر آصف علی زرداری کی برطانوی ہائی کمشنر جین میریٹ سے ملاقات
کراچی: سابق صدر مملکت آصف علی زرداری کی شاہ چارلس کے جنم دن کے حوالے سے اظہار مسرت کا پیغام
کراچی: صدر آصف زرداری کا ڈیوڈ کیمرون کے وزیرخارجہ بننے پر بھی نیک تمناؤں کا اظہار… pic.twitter.com/7rpwqbdRGf
— PPP (@MediaCellPPP) November 18, 2023
امریکی سفیر ڈونلڈ بلوم ملتان میں سابق وزیراعظم یوسف رضا گیلانی سے بھی ان کی رہائشگاہ پر جا کر ملے اور تبادلہ خیال کیا۔
Former PM Senator Syed Yusuf Raza Gilani hosted US Ambassador Donald Blome & Consul General Kirstin K Hawkins at his Multan residence. They discussed bolstering Pak-US ties, focusing on regional peace, economic relations, and delved into South Punjab's political landscape for the… pic.twitter.com/MnqjnjiIem
— Kasim Gilani (@KasimGillani) November 18, 2023
اس کے علاوہ استحکام پاکستان پارٹی کے سربراہ جہانگیر ترین سے بھی امریکی سفیر کی ملاقات ہوئی ہے۔
برطانوی سفیر جین میرٹ نے 2 روز قبل قائد پاکستان مسلم لیگ ن نوازشریف، چیف آرگنائزر ن لیگ مریم نواز اور دیگر لیگی قیادت سے ملاقات کی۔
میڈیا رپورٹس کے مطابق نوازشریف اور امریکی سفیر کے درمیان ہونے والی ملاقات میں آئندہ عام انتخابات پر تبادلہ خیال کیا گیا۔ امریکی سفیر نے نواز شریف کو اپنے ملک کی ترجیحات بتائیں جبکہ قائد ن لیگ نے بھی اپنی ترجیحات کا ذکر کیا۔
آصف زرداری سے ہونے والی برطانوی سفیر کی ملاقات میں بھی موضوع عام انتخابات ہی رہا۔ اس کے علاوہ سابق وزیراعظم یوسف رضا گیلانی سے امریکی سفیر کی ملاقات میں جنوبی پنجاب کے انتخابی منظر نامے پر گفتگو ہوئی۔
