قومی کرکٹ ٹیم کے وکٹ کیپر بیٹر اعظم خان کو میچ کے دوران فلسطین کا جھنڈا لگانے پر بھاری جرمانہ عائد کیا گیا ہے۔
پاکستانی بلے باز اعظم خان کو قومی ٹی ٹوئنٹی ٹورنامنٹ میں لاہور بلیوز اور کراچی وائٹس کے درمیان کھیلے جانے والے میچ میں بلے پر فلسطین کے جھنڈے کا اسٹیکر چسپاں کرنے پر میچ فیس کا 50 فیصد جرمانہ کیا گیا ہے۔
Wicketkeeper Batsman Azam Khan has been fined 50% of his match fees for using Palestine Flag 🇵🇸 on his bat in a National T20 Cup match against Lahore Blues. He has also been warned of suspension if he uses 🇵🇸 again during match.#NationalT20Cup #AzamKhan… pic.twitter.com/OxY8Z9pFgA
— Abdullah Zafar (@Arain_417) November 26, 2023
آئی سی سی قوانین کے مطابق کھلاڑی کپڑوں اور کھیل کے سازو سامان پر کوئی بھی غیر منظور شدہ اسٹیکر یا سیاسی یا مذہبی پیغامات نہیں لگا سکتے۔
میڈیا رپورٹس کے مطابق حکام نے اعظم خان کو ممکنہ معطلی کے بارے میں خبردار کیا ہے اگر وہ فلیگ اسٹیکر کا استعمال جاری رکھتے ہیں تو ان کو معطل کیا جا سکتا ہے۔
واضح رہے کہ اس سے قبل رواں سال بھارت میں کھیلے جانے والے ورلڈ کپ 2023 میں بھی پاکستان کے وکٹ کیپر بیٹر محمد رضوان کے نے سری لنکا کے خلاف اپنی شاندار سینچری اور پاکستان کی جیت کو غزہ کے مظلوم فلسطینیوں کے نام کی تھی۔
محمد رضوان نے سری لنکا کے خلاف فتح پر سوشل میڈیا ویب سائٹ ایکس پر ایک پیغام میں فلسطینیوں بھائیوں کے ساتھ اظہار یکجہتی کرتے ہوئے پاکستان کی تاریخی فتح ان کے نام کی تھی۔
This was for our brothers and sisters in Gaza. 🤲🏼
Happy to contribute in the win. Credits to the whole team and especially Abdullah Shafique and Hassan Ali for making it easier.
Extremely grateful to the people of Hyderabad for the amazing hospitality and support throughout.
— Muhammad Rizwan (@iMRizwanPak) October 11, 2023
جس کے بعد پاکستان کرکٹ بورڈ (پی سی بی) نے محمد رضوان کو پوسٹ ڈیلیٹ کرنے کو کہا تھا، لیکن انہوں نے اس پر عمل کرنے سے انکار کردیا تھا۔
