پاکستان کرکٹ بورڈ (پی سی بی) نے دائیں ہاتھ سے کھیلنے والے بلے باز اعظم خان پر جرمانہ ختم کردیا۔
پی سی بی نے قومی ٹی ٹوئنٹی کپ 2023 کے ایک میچ کے دوران کرکٹر اعظم خان پر، اپنے بلے پر فلسطین کا جھنڈا لگانے کے ’جرم‘ میں عائد 50 فیصد میچ فیس کا جرمانہ ختم کر دیا۔
واضح رہے کہ اعظم خان کو پی سی بی کے قواعد و ضوابط کے آرٹیکل 2.4 کی خلاف ورزی پر جرمانہ عائد کیا گیا تھا۔
ضوابط کے مطابق کوئی کھلاڑی غیر منظور شدہ لوگو/ سیاسی پیغام کی نمائش نہیں کرسکتا۔ اعظم خان نے میچ امپائر کی وارننگ کے باوجود اسٹیکر نہیں ہٹایا تھا۔
آئی سی سی قوانین کے مطابق کھلاڑی کپڑوں اور کھیل کے سازو سامان پر کوئی بھی غیر منظور شدہ اسٹیکر یا سیاسی یا مذہبی پیغامات نہیں لگا سکتے۔
واضح رہے کہ اس سے قبل رواں سال بھارت میں کھیلے جانے والے ورلڈ کپ 2023 میں بھی پاکستان کے وکٹ کیپر بیٹر محمد رضوان کے نے سری لنکا کے خلاف اپنی شاندار سینچری اور پاکستان کی جیت کو غزہ کے مظلوم فلسطینیوں کے نام کی تھی۔
This was for our brothers and sisters in Gaza. 🤲🏼
Happy to contribute in the win. Credits to the whole team and especially Abdullah Shafique and Hassan Ali for making it easier.
Extremely grateful to the people of Hyderabad for the amazing hospitality and support throughout.
— Muhammad Rizwan (@iMRizwanPak) October 11, 2023
محمد رضوان نے سری لنکا کے خلاف فتح پر سوشل میڈیا ویب سائٹ ایکس پر ایک پیغام میں فلسطینیوں بھائیوں کے ساتھ اظہار یکجہتی کرتے ہوئے پاکستان کی تاریخی فتح ان کے نام کی تھی۔
جس کے بعد پاکستان کرکٹ بورڈ (پی سی بی) نے محمد رضوان کو پوسٹ ڈیلیٹ کرنے کو کہا تھا، لیکن انہوں نے اس پر عمل کرنے سے انکار کردیا تھا۔
