بابر اعظم کو پی ایس ایل میں بھی کپتانی نہ کرنے کا مشورہ کس نے اور کیوں دیا؟

ہفتہ 9 دسمبر 2023
icon-facebook icon-twitter icon-whatsapp

پاکستان کرکٹ ٹیم کے سابق کپتان وسیم اکرم اور سابق بھارتی کرکٹر گوتم گھمبیر نے بابر اعظم کو مشورہ دیا ہے کہ وہ اپنی بیٹنگ میں بہتری لانے کے لیے پاکستان سپر لیگ (پی ایس ایل) میں بھی قیادت چھوڑ دیں۔

کرکٹ ورلڈ کپ میں قومی کرکٹ ٹیم کی ناقص کارکردگی کے باعث بابراعظم نے 15 نومبر کو تینوں فارمیٹ کی کپتانی سے دستبرداری کا اعلان کیا تھا۔

بابر کو بہت پہلے کہا تھا کہ لیگ کرکٹ میں کپتانی نہ کریں، وسیم اکرم

میڈیا رپورٹس کے مطابق وسیم اکرم نے ایک اسپورٹس پلیٹ فارم سے گفتگو کی ہے جس میں انہوں نے کہاکہ بابر اعظم کو چاہیے وہ ایک نامور کھلاڑی کی حیثیت سے بیٹنگ کریں، رنز بنائیں اور کھیل سے لطف اندوز ہوں۔

سابق قومی کپتان نے کہاکہ بابر اعظم کو پہلے بھی کہہ چکا ہوں کہ آپ ایک بڑے کھلاڑی ہیں اس لیے لیگ کرکٹ میں کپتانی نہ کریں، کھیل میں بحیثیت کھلاڑی شرکت کریں، رنز بنائیں اور اپنا پیسا لے کر گھر جائیں۔

ان کا کہنا تھا کہ میں نے بابراعظم کو کہا تھا کہ پاکستان کرکٹ ٹیم کی کپتانی کریں لیکن لیگ کرکٹ میں قیادت کرنا آپ کے لیے ٹھیک نہیں۔

ورلڈ کپ میں کپتانی کی وجہ سے بابر اعظم کی کارکردگی متاثر ہوئی، گوتم گمبھیر

دوسری جانب سابق بھارتی کرکٹر گوتم گمبھیر نے وسیم اکرم کی بات سے اتفاق کیا اور کہا کہ کرکٹ ورلڈ کپ میں کپتانی کی وجہ سے بابر اعظم کی کارکردگی متاثر ہوئی۔ ’میں نے ایونٹ میں ان کے ٹاپ اسکورر رہنے کی پیشگوئی کی تھی جو درست ثابت نہ ہو سکی‘۔

انہوں نے کہاکہ قیادت چھوڑنے کے بعد بابر اعظم کی صلاحیتیں نکھر کر سامنے آئیں گی، اب ایسا بابر اعظم سامنے آئے گا جو اس سے قبل کسی نے نہیں دیکھا ہو گا۔

گوتم گمبھیر کہتے ہیں کہ بابر اعظم اگر توجہ دیں تو پاکستان کی تاریخ کے بہترین بیٹر بن سکتے ہیں۔ انہوں نے پیشگوئی کی کہ بابر آئندہ 10 برس تک اپنی کارکردگی کی بنیاد پر ٹیم میں موجود رہیں گے۔

آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں

icon-facebook icon-twitter icon-whatsapp

تازہ ترین

معروف پاکستانی کاروباری شخصیت محمد نعیم ڈار ای یو پاک فرینڈشپ فیڈریشن سیالکوٹ کے صدر نامزد

ضمنی الیکشن: پی پی 203 میں ن لیگ کامیاب، این اے 77 گوجرانوالہ میں بھی لیگی امیدوار کو برتری

وسط مدتی انتخابات نے ’امریکا کو تاریخ میں ایک بہت بڑا قدم پیچھے دھکیل دیا ہے، صدر ڈونلڈ ٹرمپ کا اعتراف

چین نے گرین ٹیکنالوجی سے دنیا بدل دی، پاکستان نے بھی17 گیگاواٹ سولر پینلز منگوا لیے

سینیگال کے ساحل کے قریب تارکین وطن کی کشتی ڈوب گئی، متعدد افراد ہلاک

ویڈیو

پاکستان بھر میں دیوالی کی تقریبات، امن اور برداشت کا پیغام

دہشتگردی کے خلاف جنگ میں واپسی اور شکست کی کوئی گنجائش نہیں، گورنر خیبر پختونخوا فیصل کریم کنڈی

ایران سے جنگ بندی اور جوہری مذاکرات کی بحالی کی کوششیں، پاکستان اور قطر کی ثالثی میں امریکی نائب صدر جے ڈی وینس متحرک

کالم / تجزیہ

انور مسعود کی دیوارِ گریہ

امریکی الیکشن جو ریفرنڈم بن گیا

تحریک انصاف، جے یو آئی اور جماعت اسلامی: ایک سماجی مطالعہ