الیکشن کمیشن آف پاکستان نے نے امیدواروں کو تشہیری ہورڈنگز اتوار تک ہٹانے کی ڈیڈ لائن دے دی۔
جمعے کو الیکشن کمیشن کی جانب سے جاری بیان میں ترجمان نے کہا کہ مشاہدے میں آیا ہے کہ کچھ امیدواران کی جانب سے ضابطہ اخلاق کی خلاف ورزی کرتے ہوئے ملک کے مختلف حصوں میں بڑے بڑے اشتہاری ہورڈنگز لگائے گئے ہیں۔
تمام امیدواران کو ہدایت کی جاتی ہے کہ وہ ان ہورڈنگز کو اتوار تک خودہی ہٹا دیں بصورت دیگرمانیٹرنگ ٹیمیں نہ صرف ان کوہٹا دیں گی بلکہ متعلقہ امیدواران کے خلاف ضابطہ اخلاق کے مطابق کارروائی بھی عمل میں لائی جائے گی۔
ڈسٹرکٹ مانیٹرنگ افسران، ٹیموں کی تعنیاتی کا نوٹیفکیشن جاری
الیکشن کمیشن نے عام انتخابات 2024 کے لیے ڈسٹرکٹ مانیٹرنگ افسران اور مانیٹرنگ ٹیموں کی تعنیاتی کا نوٹیفکیشن جاری کر دیا۔
مزید پڑھیں
جمعے کو جاری بیان کے مطابق ڈسٹرکٹ مانیٹرنگ ٹیمیں انتخابی عمل کے دوران ضابطہ اخلاق اور الیکشن قوانین کی مانیٹرنگ کریں گی۔
کسی بھی خلاف ورزی کی صورت میں قانونی کارروائی عمل میں لائی جائے گی۔ ڈسٹرکٹ مانیٹرنگ افسران و مانیٹرنگ ٹیمیں تمام اضلاع میں انتخابی عمل اور انتخابی مہم کی کڑی نگرانی کریں گی۔ ڈویژنل سطح پر ریجنل مانیٹرنگ کوآرڈینیٹرز بھی تعنیات کر دیے گئے ہیں۔
پریس ریلیز
20 دسمبر 2023الیکشن کمیشن نے ضابطہ اخلاق برائے عام انتخابات 2024 جاری کر دیا ھے۔۔ جو الیکشن کمیشن کی ویب سائٹ پر بھی شائع کر دیا گیا ھے۔
ترجمان الیکشن کمیشن
Link for the Code of Conduct :https://t.co/3ApHHp09o9…
— Election Commission of Pakistan (OFFICIAL)🇵🇰 (@ECP_Pakistan) December 20, 2023
