اسلام آباد پولیس نے کہاہے کہ قانونی کارروائی کی راہ میں غلط بیانی سے کام لینے پر شبلی فراز کے خلاف کارروائی کی جائے گی۔
ترجمان اسلام آباد پولیس کے مطابق عمران خان کی گرفتاری کے لیے پولیس زمان پارک پہنچی تو شبلی فراز نے کہا کہ پی ٹی آئی چیئرمین گھر پرموجود نہیں ہیں۔
پی ٹی آئی رہنماؤں نے کہا کہ عمران خان رہائش پر موجود نہیں۔
قانونی کاروائی کی راہ میں غلط بیانی سے کام لینے پر شبلی فراز کے خلاف کاروائی کی جائے گی-
پی ٹی آئی رہنماؤں نے یقینی دہانی کروائی کہ وہ قانون پر عمل کریں گے اس لئے ہم امید کرتے ہیں کہ وہ عدالت پیش ہوں گے۔
1/2— Islamabad Police (@ICT_Police) March 5, 2023
ترجمان اسلام آباد پولیس کا کہنا ہے کہ پی ٹی آئی رہنماؤں نے یقین دہانی کرائی ہے کہ عمران خان قانون پرعمل کریں گے اس لیے ہم امید کرتے ہیں کہ وہ عدالت میں پیش ہوں گے۔ ان کا مزید کہنا تھا کہ ہم امن وامان کو برقراررکھنے کی ہرممکن کوشش کریں گے اورعمران خان کی پیشی کے عدالتی حکم پر عملدرآمد کرائیں گے۔
قبل ازیں آئی جی پنجاب عثمان انور نے بھی کہا کہ عدالتی احکامات پر پوری طرح عملدرآمد کیاجائے گا اوراس کے لیے اگر ہم سے فورس مانگی گئی تو ضرور دیں گے۔
آئی جی پنجاب کا یہ بھی کہنا تھا کہ عدالتی احکامات میں رکاوٹ ڈالنے پر قانون حرکت میں آئے گا۔
واضح رہے کہ اسلام آباد پولیس کی ٹیم عمران خان کی گرفتاری کے لیے آج لاہور پہنچی تھی جہاں پی ٹی آئی رہنما شبلی فراز نے کہا تھا کہ پی ٹی آئی چیئرمین گھر پرموجود نہیں ہیں۔
