نگراں وزیراعظم انوارالحق کاکڑ نے کہا ہے کہ وفاقی حکومت کاروبار کے لیے تمام سہولیات فراہم کرے گی۔
وزیراعظم نے لاہور میں کاروبار سہولت مرکز کا دورہ کیا ہے اور اس موقع پر کاروباری افراد سے گفتگو بھی کی ہے۔
نگراں وزیراعظم کے دورے کے موقع پر نگراں وزیراعلیٰ پنجاب محسن نقوی بھی وہاں موجود تھے۔
مزید پڑھیں
انوارالحق کاکڑ نے کہاکہ کاروبار سہولت مرکز میں ایک ہی چھت تلے تمام سہولیات میسر ہوں گی، کاروبار کے فروغ کے لیے پنجاب حکومت کے اقدامات قابل تعریف ہیں۔
واضح رہے کہ حکومت اور ریاستی ادارے ملک میں کاروبار کے فروغ کے لیے بھرپور اقدامات کر رہے ہیں۔
گزشتہ اتحادی حکومت کے دور میں اسپیشل انویسٹمنٹ فیسیلی ٹیشن کونسل (ایس آئی ایف سی) کا قیام عمل میں لایا گیا تھا جس کا مقصد کاروبار کو فروغ دینے کے لیے اہم پالیسیاں بنانا ہے۔
ایس آئی ایف سی کے پلیٹ فارم سے غیرملکی سرمایہ کاروں کو راغب کرنے کے لیے اہم اقدامات کیے جا رہے ہیں۔
وزیراعظم کی سربراہی میں قائم ایس آئی ایف سی کی ایپکس کمیٹی میں چیف آف آرمی اسٹاف جنرل سیّد عاصم منیر بھی شامل ہیں۔
