بنگلا دیش کرکٹ ٹیم کے کپتان شکیب الحسن کی عام انتخابات کے دوران شہری کو تھپڑ مارنے کی ویڈیو سوشل میڈیا پر وائرل ہو گئی ہے جس کے بعد انہیں تنقید کا نشانہ بنایا جا رہا ہے۔
میڈیا رپورٹس کے مطابق شکیب الحسن کی جانب سے شہری کو تھپڑ مارنے کی ویڈیو کب بنائی گئی اس حوالے سے معلوم نہیں ہو سکا۔ تاہم خیال کیا جا رہا ہے کہ انہوں نے انتخابات کے دوران بوتھ کے وزٹ کے موقع پر شہری کو تھپڑ مارا۔
Slap Shot from Shakib 🏏 pic.twitter.com/D2MGqqAhPK
— Zaki Ishtiaque Hussain (@Gunner_811) January 7, 2024
میڈیا کا کہنا ہے کہ الیکشن کے روز جب یہ خبر پھیلی کہ شکیب الحسن بوتھ پر تشریف لائے ہیں تو لوگوں کا ایک ہجوم وہاں پر امڈ آیا اور دھکیم پیل شروع ہو گئی۔
دھکم پیل میں ہی ایک مداح نے شکیب الحسن کا کندھا پکڑ کر ان سے ملنے کی کوشش کی تو کپتان نے ان کو تھپڑ رسید کر دیا۔
مزید پڑھیں
شکیب الحسن کی جانب سے مداح کو تھپڑ مارنے کی ویڈیو وائرل ہونے پر انہیں شدید تنقید کا نشانہ بنایا جا رہا ہے۔
یاد رہے کہ شکیب الحسن نے بنگلادیش کے عام انتخابات میں شیخ حسینہ واجد کی جماعت عوامی لیگ سے انتخابات میں حصہ لیا اور وہ رکن پارلیمنٹ منتخب ہو گئے ہیں۔
