استحکام پاکستان پارٹی (آئی پی پی) کے سربراہ جہانگیر ترین نے این اے 155 لودھراں سے عقاب کے نشان پر الیکشن میں حصہ لینے کا فیصلہ کیا ہے۔
ذرائع کے مطابق جہانگیر ترین اور ن لیگی امیدوار صدیق بلوچ لودھراں میں مدمقابل ہوں گے۔
ذرائع کا کہنا ہے کہ لودھراں میں مسلم لیگ ن اور آئی پی پی کے درمیان سیٹ ایڈجسٹمنٹ نہیں ہوسکی۔
دوسری جانب ملتان میں سیٹ ایڈجسٹمنٹ کے تحت مسلم لیگ ن جہانگیر ترین کے خلاف اپنا امیدوار کھڑا نہیں کرے گی۔
ذرائع کے مطابق مسلم لیگ ن نے جہانگیر ترین کو لودھراں کا حلقہ خالی نہ چھوڑنے کا پیغام بھجوا دیا ہے۔
واضح رہے کہ اس وقت مسلم لیگ ن اور استحکام پاکستان پارٹی کے درمیان سیٹ ایڈجسٹمنٹ کے معاملے پر مذاکرات چل رہے ہیں۔
