مسلم لیگ (ن) کی آئندہ عام انتخابات 2024 کے لیے پارٹی ٹکٹس کا اعلان کیا جا چکا ہے اور ٹکٹس کی تقسیم پر پارٹی قیادت کو کافی تنقید کا سامنا بھی کرنا پڑ رہا ہے۔ جن لوگوں کو پارٹی کی طرف سے ٹکٹ دیے گئے ہیں ان کی فہرست سے انکشاف ہوا ہے کہ (ن) لیگ کے ٹکٹ حاصل کرنے والوں میں کھاریاں کے 3 بھائی بھی شامل ہیں۔
مزید پڑھیں
ان بھائیوں کو 1 قومی اسمبلی اور 2 صوبائی اسمبلی کے ٹکٹ دیے گئے ہیں۔ پارٹی کی طرف سے چوہدری عابد رضا کوٹلہ کو این اے 62، ان کے بھائیوں چوہدری محمد علی تنویر کوٹلہ کو پی پی 33 اور چوہدری شبیر احمد کوٹلہ کو پی پی 28 سے (ن) لیگ کا ٹکٹ دیا گیا ہے۔
اس طرح ان کے چوتھے بھائی چوہدری شاید رضا کوٹلہ کو پاکستان تحریک انصاف نے پی پی 28 کا ٹکٹ جاری کیا ہے وہ حلقے سے اپنے بھائی چوہدری شبیر کوٹلہ کا مقابلہ کریں گے۔
