معروف بھارتی اداکارہ رانی مکھر جی کا کہنا ہے کہ خاندان کے مالی حالات اچھے نہ ہونے کے باعث فلم انڈسٹری میں آنا پڑا۔
غیر ملکی میڈیا رپورٹس کے مطابق بالی ووڈ کی مشہور اداکارہ رانی مکھر جی نے ایک انٹرویو میں انکشاف کیا ہے کہ انہیں اداکاری کا اتنا شوق نہیں تھا تاہم ان کے خاندان کے مالی حالات اچھے نہیں تھے اور انہیں پیسوں کی ضرورت تھی جس کی وجہ سے انہیں اس میدان میں اپنانا پڑا۔
بھارتی اداکارہ نے بتایا کہ ناکافی آمدنی کی وجہ تنگ دستی کا سامنا تھا ایسے میں اُن کے والد نے ہی انہیں اداکارہ بننے کا مشورہ دیا۔
رانی مکھر جی نے بتایا کہ اداکاری کے لیے انہیں اپنے گھر والوں نے بہت سپورٹ کیا۔
راجی مکھر جی جلد ہی اپنی نئی فلم میں مرکزی کردار نبھاتی ہوئی نظر آئیں گی جو کہ 17 مارچ 2023 کو سنیما گھروں میں دکھائی جائے گی۔
