بالی ووڈ اسٹار سنجے دت سوئنگ کے سلطان وسیم اکرم کے مداح نکلے اور ایک تقریب کے دوران سابق کپتان وسیم اکرم کی تعریفوں کے پل باندھ دیے۔ انہوں نے کہا کہ زندگی میں جتنے بھی بہترین کرکٹرز دیکھے ہیں وسیم اکرم ان میں سے ایک ہیں۔
متحدہ عرب امارات میں جاری ایک تقریب میں سابق کپتان وسیم اکرم اور بالی ووڈ اسٹار سنجے دت شریک تھے، تقریب کے دوران بھارتی اداکار سنجے دت نے وسیم اکرم کے ساتھ پروگرام میں شریک ہونے کو اپنے لیے اعزاز قرار دیا، اور کہا کہ مجھے خوشی ہے کہ وسیم اکرم کے ساتھ تقریب میں شریک ہوں۔
"Wasim bhai ki reverse swing se sab darr jatay thay" 🔥🔥
Bollywood actor Sanjay Dutt praising Wasim Akram in an event in Dubai 🇮🇳🇵🇰❤️pic.twitter.com/CUiRWcHRVm
— Farid Khan (@_FaridKhan) January 31, 2024
انہوں نے کہا کہ وہ کئی سالوں سے وسیم اکرم کو جانتے ہیں، انہوں نے اپنی زندگی میں جتنے بھی بہترین کرکٹرز دیکھے ہیں وسیم اکرم ان میں سے ایک ہیں، اور وہ واقعی میں ’گوڈ آف کرکٹ‘ ہیں۔
مزید پڑھیں
تقریب کے دوران سنجے دت نے سابق کرکٹر کی سوئنگ بولنگ کی تعریف کرتے ہوئے کہا کہ ان کی بولنگ سے واقعی بلے باز ڈرتے تھے۔
یاد رہے سوئنگ کے سلطان وسیم اکرم انٹرنیشنل ٹی20 لیگ (آئی ایل ٹی) میں کمنٹری کے فرائض سرانجام دینے کے لیے متحدہ عرب امارات میں موجود ہیں۔
واضح رہے وسیم اکرم اپنے دور کرکٹ میں متعدد ریکارڈ اپنے نام کرچکے ہیں انہوں نے ٹیسٹ اور ون ڈے میں 2،2 بار ہیٹ ٹرک کا اعزاز اپنے نام کیا ہے۔ انہوں نے ون ڈے کرکٹ میں سب سے پہلے 500 وکٹیں حاصل کرنے کا اعزاز بھی حاصل کیا۔ آئی سی سی ہال آف فیم میں بھی ان کا نام شامل ہے۔
