بانی چیئرمین پاکستان تحریک انصاف کی سابقہ اہلیہ ریحام خان نے انکشاف کیا ہے کہ ان کا اور عمران خان کا نکاح 2 مرتبہ ہوا تھا، پہلا نکاح خفیہ رکھا گیا، پھر دنیا کو دکھانے کے لیے دوسرا نکاح ہوا۔
ایک صحافی کو انٹرویو دیتے ہوئے سابق چیئرمین تحریک انصاف عمران خان کی سابقہ اہلیہ ریحام خان نے کہا کہ ’عمران خان کا جھوٹ متعدد بار پکڑا گیا، صادق و امین ہونے کے لیے معیار یہ ہے کہ کوئی کتنا جھوٹ بول رہا اور کتنا سچ، صادق کا مطلب سچا اور امین کا مطلب امانت رکھنے والا ہے۔‘
ریحام خان نے کہا کہ ان کا عمران خان سے نکاح 19 اکتوبر 2014 کو ہوا، لیکن عمران خان نے اس نکاح کو خفیہ رکھا۔ مطلب نکاح سے متعلق مبالغہ آرائی کی۔ نکاح کے حوالے سے مبالغہ آرائی کیسے ہوسکتی ہے، اس نکاح کی صرف میں ہی فریق نہیں ہوں، اللہ کو حاضر ناظر رکھ کر مولوی صاحب کو بھی بتانا ہوگا کہ سچ کیا ہے، نکاح کے گواہ بھی تھے، وہ بھی بتا سکتے ہیں۔
عمران خان نے ریحام خان کے ساتھ دو نکاح کئے پہلے نکاح کو خفیہ رکھا گیا دو ماہ دنیا کو دکھانے کیلئے دوسرا نکاح کیا گیا @RehamKhan1 کا الزام pic.twitter.com/EQ4E9rsVgj
— Azhar Javaid (@azharjavaiduk) February 5, 2024
انہوں نے کہا کہ پوری کابینہ اور پورے اسلام آباد کو ہمارے نکاح کا پتہ تھا۔ نکاح 31 اکتوبر 2014 کو ہوا اور اس کا اعلان 8 جنوری 2015 کو ہوا۔ ریحام خان سے جب پوچھا گیا کہ یہ نکاح چھپانے کی کیا وجہ تھی؟ ان کا کہنا تھا ’ مجھے نہیں معلوم کہ کیا وجہ تھی‘۔
’دوبارہ نکاح کے حوالے سے مجھے ایک دن پہلے بتایا گیا، کیوں کہ ہر ہفتے کہا جارہا تھا کہ اس ہفتے ہم نکاح کا اعلان کریں گے، اگلے ہفتے کرتے کرتے ایک مذاق ہی بن گیا تھا۔‘
یہاں یہ بات بھی قابل ذکر ہے کہ جوڈیشل مجسٹریٹ اسلام آباد نے بانی چیئرمین تحریک انصاف عمران خان اور بشریٰ بی بی کو غیرشرعی نکاح کیس میں 7,7 سال قید کی سزا سنائی ہے۔ جبکہ دونوں کو 5،5 لاکھ روپے جرمانہ بھی عائد کیا گیا ہے۔
