نائب وزیراعظم اور وزیر خارجہ اسحاق ڈار نے مصر کے وزیر خارجہ ڈاکٹر بدر عبدالعاطی سے ٹیلی فون پر گفتگو کی، جس میں تازہ علاقائی صورتحال اور مسائل کے حل کے لیے سفارتی کوششوں پر تبادلہ خیال کیا گیا۔
دفتر خارجہ کے مطابق 15 اکتوبر کو ہونے والی گفتگو میں دونوں رہنماؤں نے اس بات پر زور دیا کہ تمام مسائل کے حل کے لیے مذاکرات اور سفارت کاری ہی آگے بڑھنے کا واحد راستہ ہیں۔
Deputy Prime Minister/Foreign Minister Senator Mohammad Ishaq Dar @MIshaqDar50 held a telephone conversation with H.E. Dr. Badr Abdelatty, Minister of Foreign Affairs of Egypt.
The two leaders discussed the latest regional developments, and underscored that dialogue and… pic.twitter.com/sW0wqUJn7m
— Ministry of Foreign Affairs – Pakistan (@ForeignOfficePk) October 15, 2026
دونوں وزرائے خارجہ نے مذاکرات کو آگے بڑھانے اور کشیدگی میں کمی کی کوششوں کی حمایت جاری رکھنے کے عزم کا اعادہ کیا۔
دفتر خارجہ کے بیان کے مطابق دونوں رہنماؤں نے باہمی دلچسپی کے تمام امور پر قریبی رابطہ برقرار رکھنے پر بھی اتفاق کیا۔
