آئندہ 24 گھنٹوں کے دوران ملک کے زیادہ تر علاقوں میں موسم سرد اور خشک رہے گا، مشرقی بلوچستان میں چند مقامات پر بارش اور برفباری جبکہ پنجاب اور بالائی سندھ کے مختلف مقامات پر دھند چھائے رہنے کا امکان ہے۔
محکمہ موسمیات کے مطابق آئندہ 24 گھنٹوں کے دوران بلوچستان کے علاقے ژوب، کوئٹہ، زیارت، کوہلو، سبی، بارکھان، مسلم باغ، قلعہ سیف اللہ، قلات اور خضدار میں بارش کا امکان ہے۔
محکمہ موسمیات کے مطابق مری، گلیات اور گردونواح میں آئندہ 24 گھنٹوں کے دوران موسم شدید سرد رہے گا جبکہ پنجاب اور بالائی سندھ کے مختلف علاقوں میں دھند چھائے رہنے کی توقع ہے۔
مزید پڑھیں
پنجاب کے علاقے سیالکوٹ، ناروال، لاہور،فیصل آباد، قصور، ساہیوال اور گوجرانوالہ، جہلم، جھنگ اور بہاولپور میں دھند چھائی رہے گی جبکہ سکھر، دادو، لاڑکانہ، جیکب آباد، موہنجوداڑو میں چند مقامات پر دھند کی توقع ہے۔
اس دوران ملک کے بیشتر علاقوں میں موسم سرد اور خشک رہے گا جبکہ آزاد کشمیر میں موسم انتہائی سرد اور مطلع جزوی طور پر ابرآلود رہنے کا امکان ہے۔
وادی لیپا میں شدید برفباری، وادی کا دیگر علاقوں سے زمینی رابطہ منقطع
آزاد کشمیر کی خوبصورت وادی لیپا میں شدید برفباری سے وادی کا دیگر علاقوں سے زمینی رابطہ منقطع ہوگیا ہے، شدید برفباری کے باعث موجی شیر گلی روڈ گزشتہ ایک ہفتے سے ٹریفک کے لیے بند ہے۔
سڑکیں بند ہونے سے شہریوں کو مشکلات کا سامنا ہے جبکہ محکمہ شاہرات کی جانب سے روڈ کی بحالی کا کام جاری ہے۔
