سابق گورنر سندھ اور پاکستان مسلم لیگ ن کے رہنما محمد زبیر کا کہنا ہے کہ وہ اس بات پر بالکل حیران نہیں کہ پاکستان تحریک انصاف کے حمایت یافتہ آزاد امیدوار قومی اور کے پی و پنجاب کی اسممبلیوں میں اکثریتی تعداد میں موجود ہیں جس کی پہلے کبھی نظیر نہیں ملتی۔
Not surprised at all. Pti backed independents at this moment in the lead in NA, KPK & Punjab assemblies. This is unprecedented.
The unusual delay in result announcement has made the process completely dubious leaving no moral authority for PMLN to rule.— Mohammad Zubair (@Real_MZubair) February 9, 2024
سماجی رابطے کی ویب سائٹ ’ایکس‘ پر شیئر کیے گئے اپنے پیغام میں محمد زبیر نے کہا کہ نتائج کے اعلان میں غیر معمولی تاخیر نے اس عمل کو مکمل طور پر مشکوک بنا دیا ہے جس کے بعد اب ن لیگ کو حکومت کرنے کا کوئی اخلاقی اختیار نہیں بچا ہے۔
مزید پڑھیں
اپنے ایک اور ٹوئٹ میں محمد زبیر نے ن لیگ کے ناراض رہنما اور سابق وزیراعظم شاہد خاقان عباسی کی جانب سے پیش کردہ تجاویز کو صائب قرار دیتے ہوئے کہا کہ انتخابی نتائج نے وہ باتیں درست ثابت کر دیں۔ محمد زبیر نے کہا کہ پاکستان کے مستقبل کی خاطر ان کا مشورہ مان لیا جانا چاہیے تھا۔
عوامی مینڈیٹ سے چھیڑچھاڑ افراتفری پیدا کرے گی، شاہد خاقان عباسی
قبل ازیں شاہد خاقان عباسی نے اپنے ٹوئٹ میں کہا تھا کہ پاکستانی عوام نے بلند آواز میں اور واضح طور پر اپنی بات رکھ دی اور اب ان کے دیے گئے مینڈیٹ سے چھیڑ چھاڑ کی کوشش کے نتیجے میں ملک میں افراتفری پھیل جائے گی۔
Shahid Khaqan has been proposing this for a long time. The election results have proved him right. He’s spot on. His advice should be accepted for the sake of Pakistan’s future https://t.co/DNaBd8bY9B
— Mohammad Zubair (@Real_MZubair) February 9, 2024
شاہد خاقان عباسی نے کہا کہ انتخابی عمل کی گرما گرمی گئی اب وقت ہے کہ ملک کو بہتری کی سمت سفر کرنے دیا جائے۔
سابق وزیراعظم نے کہا کہ سیاسی قیادت بشمول میاں محمد نواز شریف، آصف علی زرداری، عمران خان، مولانا فضل الرحمان اور دیگر کو اوچھی سیاست سے بالاتر ہوکر ملک کو درپیش بے پناہ چیلنجوں کا مقابلہ کرنے کے لیے مل کر کام کرنا چاہیے۔
شاہد خاقان عباسی کا کہنا تھا کہ سیاسی قیادت کو یہ تسلیم کرنے کی ضرورت ہے کہ تاریخ خود غرض سیاستدانوں پر رحم نہیں کرتی۔
