کیفی خلیل کے گانے ’کہانی سنو‘ کے جواب میں گلوگارہ مہر حسین کا گانا ’ہماری سنو‘ ریلیز ہو گیا۔
کیفی خلیل کا سپر ہٹ گانا ’کہانی سنو‘ 2021ء میں ریلیز ہوا تھا جو کافی مقبول ہوا۔ ’کہانی سنو‘ اب تک یو ٹیوب پر 13 کروڑ 64 لاکھ سے زائد بار دیکھا اور سنا گیا ہے۔
’کہانی سنو‘ کے جواب میں اب نامور گلوکار مہر حسین نے ’ہماری سنو‘ گانا دلکش انداز میں گا کر شائقین کو متوجہ کیا ہے۔ اس گانے کو بھی کافی پسند کیا جا رہا ہے۔
کیفی خلیل پاکستان کے بلوچ گلوکار، موسیقار اور نغمہ نگار ہیں۔ ان کا تعلق کراچی کے علاقے لیاری سے ہے۔ کیفی خلیل کو 2022 میں کوک اسٹوڈیو ’سیزن 14 ‘ میں ایوا – بی اور عبدالوہاب بگٹی کے ساتھ ’کنا یاری‘ سے شہرت پائی تھی۔
اس سے قبل 2021 سے کیفی خلیل کے گانے ’کہانی سنو‘ نے یوٹیوب پر دھوم مچا رکھی ہے۔
