معروف بھارتی کرکٹر ویرات کوہلی اور ان کی اہلیہ انوشکا شرما کے ہاں دوسرے بچے کی پیدائش ہوئی ہے۔
ویرات کوہلی اور انوشکا شرما نے سوشل میڈیا کے ذریعے بتایا ہے کہ ان کے ہاں بیٹے کی ولادت ہوئی ہے۔
View this post on Instagram
انہوں نے بتایا ہے کہ بچے کی پیدائش 15 فروری کو ہوئی ہے، اور آج خوشی سے ہم اس کا اعلان کر رہے ہیں۔
بیان میں کہا گیا ہے کہ پیدا ہونے والے بیٹے کا نام ’اکے‘ رکھا گیا ہے۔ ’امید رکھتے ہیں کہ ہمارے لیے سب کی جانب سے نیک خواہشات کا اظہار کرتے ہوئے پرائیویسی کا بھی خیال رکھا جائے گا‘۔
یاد رہے کہ گزشتہ دنوں جنوبی افریقہ کے سابق کرکٹر اے بی ڈی ویلیئرز نے کہا تھا کہ ویرات کوہلی اور انوشکا شرما کے ہاں دوسرے بچے کی پیدائش ہونے والی ہے، تاہم بعد میں انہوں نے خبر کی تردید کردی تھی۔
اب بچے کی پیدائش کی خبر سامنے آنے کے بعد اے بی ڈی ویلیئرز کا دعویٰ سچ ثابت ہو گیا ہے، کیونکہ ویرات کوہلی نے اسی وجہ سے انگلینڈ کے خلاف ٹیسٹ سیریز میں شرکت نہیں کی۔
واضح رہے کہ ویرات کوہلی اور انوشکا شرما نے 2017 میں شادی کی تھی۔ اس سے قبل جوڑے کے ہاں ایک بچی بھی ہے، جس کی پیدائش 2021 میں ہوئی اور اس کا نام وامیکا ہے۔
