علی امین گنڈا پور 90 ووٹ حاصل کر کے وزیر اعلیٰ خیبر پختونخوا منتخب ہو گئے ہیں۔ اپوزیشن کے مشترکہ امیدوار مسلم لیگ ن کے ایم پی اے ڈاکٹر عباداللہ خان نے 16 ووٹ حاصل کیے ہیں۔
علی امین گنڈا پور کے وزیراعلیٰ خیبر پختونخوا منتخب ہونے کے بعد سوشل میڈیا صارفین نے اس پر رد عمل کا اظہار کیا۔
پی ٹی آئی کے حامی سوشل میڈیا ایکٹیوسٹ نے لکھا کہ خیبر پختونخوا کے وزیراعلیٰ نے 9مئی کے حوالے سے درج کی گئی تمام جعلی ایف آئی آرز کو ختم کرنے کا حکم دے دیا، انہوں نے علی امین گنڈا پور کی تعریف کرتے ہوئے لکھا کہ’یہ ہوتا ہے شیرجوان جس کی آمد سے کانپیں ٹانک رہی تھیں‘۔
کے پی کے وزیراعلی @AliAminKhanPTI نے 9 مئی کے حوالے سے درج کی گئی تمام Fake ایف آئی آرز کو کینسل کرنے کا حکم دے دیا ۔۔
“یہ ہوتا ہے شیرجوان جس کی آمد سے کانپیں ٹانک رہی تھیں”— Imran Afzal Raja (@ImranARaja1) March 1, 2024
عثمان ڈار کی والدہ ریحانہ ڈار نے علی امین گنڈا پور کو مبارکباد دیتے ہوئے کہا کہ میں اپنے بیٹے علی امین گنڈاپور کو وزیراعلی خیبر پختونخوا بننے پر دلی طور پر مبارکباد پیش کرتی ہوں اور میں امید کرتی ہوں کہ نو منتخب وزیراعلی علی امین گنڈاپور خیبرپختونخوا میں عمران خان کے نظریے و پاکستان تحریک انصاف کے منشور کو لے کر آگے بڑھیں گے۔
اپنے پیغام میں ان کا مزید کہنا تھا کہ خیبرپختونخوا کے لوگوں کو میں سلام پیش کرتی ہوں جس جرآت، ہمت اور بہادری سے انہوں نے اس فسطائیت، ظلم و جبر کا ڈٹ کر مقابلہ کیا اور 8 فروری کو ہمیشہ ہمیشہ کے لیے تمام سیاسی جماعتوں کی سیاست دفن کردی۔
میں اپنے بیٹے علی امین گنڈاپور کو وزیراعلی خیبر پختونخواہ بننے پر دلی طور پر مبارکباد پیش کرتی ہوں اور میں امید کرتی ہوں کہ نو منتخب وزیراعلی علی امین گنڈاپور خیبرپختونخوا میں عمران خان کے نظریے و پاکستان تحریک انصاف کے منشور کو لیکر آگے بڑھیں گے۔
خیبرپختونخوا کے لوگوں کو میں… pic.twitter.com/UvHTUyEAxW— Rehana Dar (@RehanaImtiazDar) March 1, 2024
سابق وفاقی وزیر مونس الٰہی نے سماجی رابطوں کی سائیٹ ایکس (سابقہ ٹوئٹر) پر لکھا کہ خیبرپختونخوا کی حکومت پاکستان میں واحد حکومت ہے جو مینڈیٹ چوری کرنے کے بغیر بن رہی ہے، ساتھ ہی انہوں نے علی امین گنڈا پور کو وزیراعلیٰ منتخب ہونے پر مبارکباد دی۔
علی امین گنڈاپور صاحب کو وزیراعلی منتخب ہونے پر بہت مبارک ہو۔ خیبرپختونخوا کی حکومت پاکستان میں واحد حکومت ہے جو مینڈیٹ چوری کرنے کے بغیر بن رہی ہے pic.twitter.com/PG2hk00zKV
— Moonis Elahi (@MoonisElahi6) March 1, 2024
اظہر مشوانی لکھتے ہیں کہ جیسا لیڈر ویسے اس کا وزیراعلیٰ، ان کا کہنا تھا کہ 2015 بلدیاتی اور اور 2018 جنرل الیکشن کے بعد عمران خان نے الیکشن آڈٹ کی کھلی آفر دی تھی، کہ جو مرضی حلقہ کھولیں ہمیں کوئی اعتراض نہیں اور آج علی امین گنڈا پور نے بھی ساری سیٹیں آڈٹ کےلیے پیش کر دیں۔
جیسا لیڈر ویسا اس کا وزیراعلی
2015 بلدیات اور اور 2018 جنرل الیکشن کے بعد عمران خان نے الیکشن آڈٹ کی کھلی آفر دی تھی، کہ جو مرضی حلقہ کھولیں ہمیں کوئی اعتراض نہیں
آج علی امین گنڈا پور نے بھی ساری سیٹیں آڈٹ کےلیے پیش کر دیںاپنا مینڈیٹ واپس لیں گے
pic.twitter.com/Osd8LhdrrS— Azhar Mashwani (@MashwaniAzhar) March 1, 2024
ایک صارف نے لکھا کہ یہ قیامت کی نشانی ہے کہ علی امین گنڈا پور کہتے ہیں کہ نہ کرپشن کریں گے نہ کرنے دیں گے، انہوں نے طنزاً کہا کہ آپ اچھا مذاق کر رہے ہیں۔
احسن جدون نے علی امین گنڈا پور کی تقریر پر رد عمل دیتے ہوئے کہا کہ علی امین گنڈا پور نے غضب ناک تقریرکی ہے کیا خیبر پختونخوا کو عمران خان پلس مل گیا؟
علی امین گنڈا پور کی غضب ناک تقریر: کیا کے پی کو عمران خان پلس مل گیا؟
— ahsan jadoon (@ahsan__jadoon) March 1, 2024
واضح رہے کہ علی امین گنڈا پور تحریک انصاف خیبرپختونخوا کے صوبائی صدر ہیں۔ علی امین گنڈا پور 2013 میں پہلی بار پی ٹی آئی کے ٹکٹ پر ڈی آئی خان سے کامیاب ہو کر صوبائی کابینہ میں شامل ہوئے تھے۔ انہوں نے بطور صوبائی وزیر مال عہدہ سنبھالا۔ پھر 2018 کے انتخابات میں قومی اسمبلی کا الیکشن لڑے اورڈی آئی خان سے جیت گئے۔ علی امین گنڈا پور کو امورِ کشمیر و گلگت بلتستان کے وفاقی وزیر کا قلمدان بھی دیا گیا تھا۔
