لیگولینڈ کیلیفورنیا میں گنیز ورلڈ بنانے کی کوشش میں 1273 افراد نے زمانہ قبل از تاریخ کی ایک ’ڈائنوسار ڈانس پارٹی‘ کی مناسبت سے عظیم الجثہ جانوروں کا روپ دھار لیا۔
مزید پڑھیں
بچے اور بڑے دونوں ہی کارلسباد کے تھیم پارک میں ڈائنوسارز کے روپ والے خاص ملبوسات زیب تن کیے ہوئے تھے۔ وہ چھوٹے بڑے ’ ڈائنوسارز‘ رقص کناں تھے جس سے ڈائنوسارز کی کسی ڈانس پارٹی کا گمان ہوتا تھا۔
ڈائنوسار والا حلیہ بنائے ہوئے لوگوں کا وہ بلاشبہ اب تک کا ایک سب سے بڑا اجتماع تھا تاہم گنیز ورلڈ ریکارڈ نے اب تک ان کے جیتنے کی تصدیق نہیں کی ہے۔
موجودہ ریکارڈ لاس اینجلس میں سنہ 2019 میں قائم کیا گیا تھا جب 252 افراد نے ڈائنوسارز کا روپ دھارا تھا۔ لیگو لینڈ ڈانس پارٹی پارک کے نئے ڈینو ویلی علاقے کے قیام کے موقعے پر منعقد کی گئی۔ مذکورہ ویلی کا باضابطہ افتتاح 22 مارچ کو ہوگا۔
