بنگلا دیش نے انگلینڈ کو تین ٹی 20میچوں کی سیریز کے آخری میچ میں شکست دے کر کلین سوئپ کر لیا۔
فاتح ٹیم نے انگلینڈ کو میرپور میں کھیلے گئے تیسرے ٹی 20 میچ میں 16 رنز سے ہرایا۔
میزبان ٹیم بنگلا دیش نے پہلے بیٹنگ کرتے ہوئے مقررہ اوورز میں دو کھلاڑی گنوا کر 158 رنز بنائے۔ بنگلا دیش کی جانب سے لیٹن داس نے 57 گیندوں پر 73 جبکہ نجم الحسین شانٹو نے36 گیندوں پر 47 رنز بنائے۔
مہمان ٹیم انگلینڈ کی جانب سے عادل رشید اور کرس جارڈن نے ایک ایک کھلاڑی کو آؤٹ کیا۔
جواب میں مہمان ٹیم مقررہ اوورز میں چھ وکٹوں کے نقصان پر صرف 142 رنز بنا سکی۔
انگلینڈ کی جانب سے ڈیوڈ ملان نے 47 گیندوں پر 53 جبکہ کپتان جاس بٹلر 31 گیندوں پر 40 رنز بنائے۔
بنگلا دیش کی جانب سے تسکین احمد نے 2 جبکہ تنویر اسلم، شکیب الحسن اور مستفیض الرحمان نے ایک ایک کھلاڑی کو پولین کی راہ دکھائی۔
