الیکشن کمیشن آف پاکستان نے سینیٹ انتخابات کے لیے ریٹرننگ افسران کے تقرر کا نوٹیفکشن جاری کر دیا ہے۔ سینیٹ الیکشن اپریل کے پہلے ہفتے میں ہوں گے۔
الیکشن کمیشن آف پاکستان (ای سی پی) کی جانب سے جاری نوٹیفکیش کے مطابق اسلام آباد میں سینیٹ کی نشستوں کے لیے ڈائریکٹر جنرل (ڈی جی) ٹریننگ سعید گل، پنجاب اسمبلی کے لیے الیکشن کمشنر پنجاب اعجاز انور چوہان، سندھ اسمبلی کے لیے الیکشن کمشنر سندھ شریف اللہ کو ریٹرننگ افسر تعینات کیا گیا ہے۔
مزید پڑھیں
نوٹیفکیشن کے مطابق اسی طرح بلوچستان اسمبلی کے لیے الیکشن کمشنر بلوچستان محمد فرید آفریدی اور خیبر پختونخوا اسمبلی کے لیے الیکشن کمشنر خیبرپختونخوا شمشاد خان کو ریٹرننگ افسر تعینات کیا گیا ہے۔
الیکشن کمیشن کے مطابق 11 مارچ کو مدت مکمل ہونے پر 52 سینیٹرز ریٹائر ہوجائیں گے۔