’بچوں سے ان کی معصومیت نہ چھینیں‘، اداکارہ مشی خان رمضان ٹرانسمیشن میں بچوں کی شمولیت پر غصہ کیوں؟

معروف اداکارہ مشی خان نے گلگت بلتستان کے بچے محمد شیراز کو رمضان ٹرانسمیشن کا حصہ بنانے پر نجی ٹی وی چینل کو شدید تنقید کا نشانہ بنایا ہے۔

نجی ٹی وی چینل کی جانب سے محمد شیراز کو رمضان ٹرانسمیشن کا حصہ بنانے پر اپنے رد عمل میں اداکارہ مشی خان نے کہا کہ بچہ محمد شہراز سوشل میڈیا پر مشہور ہوگیا ہے، پاکستان کے علاوہ بیرون ملک بھی اس کی ویڈیوز بڑی شوق سے دیکھی جاتی ہیں، اس کو سلور بٹن بھی ملا۔ اس کے انسٹاگرام پر 1 ملین فالور ہوگئے، یہ بچہ اتنا معصوم اور آرگینک ہے، بہت پیاری باتیں کرتا ہے۔

مشی خان نے کہا کہ دکھ اس بات کا ہے کہ اب وہ رمضان ٹرانسمیشن کا حصہ بن گیا ہے۔’مطلب آپ لوگوں کو اور کوئی نہیں ملتا، پہلے آپ نے احمد شاہ کی معصومیت چھین لی، اس کو وقت سے اڈلٹ بنا لیا، آپ لوگ بچوں کا بچپن چھین لیتے ہیں۔‘

انہون نے کہا ’شیراز اپنی محنت سے مشہور تھا، آپ لوگوں نے ہاکس کی طرح اس کو پکڑ لیا،عجیب ٹائم ہوگی آپ کی ٹرانسمیشن کی، وہ بچہ ہے جو سحری کے وقت بھی جاگ رہا ہوگا کیوں کہ اس نے ٹرانسمیشن میں حصہ لینا ہے، اس کو افطاری کے وقت بھی ٹرانسمیشن میں بیٹھنا ہوگا۔‘

مشی خان نے رمضان ٹرانسمیشن میں محمد شیراز کی شمولیت پر اپنی مایوسی کا اظہار کرتے ہوئے میکرز پر زور دیا کہ وہ ایسی حرکتوں سے باز رہیں جو بچوں کی معصومیت اور نامیاتی فطرت کو چھین لیں۔ اس نے اس اقدام کو مسترد کر دیا، یہ استدلال کرتے ہوئے کہ شو کے اوقات بچے پر اثر انداز ہوں گے۔

مشی… pic.twitter.com/VvL3UbPKVe

— Gilgit Baltistan Tourism. (@GBTourism_) March 13, 2024

مشی خان نے کہا کہ آپ لوگ کسی کو تو آرگینک اور معصوم رہنے دیں، بچوں کو شہروں میں لاکے آپ لوگ تماشے شروع کردیتے ہیں۔’مجھے شیراز کے والد سے بھی پوچھنا ہے کہ شیراز پہلے ہی اتنا مشہور تھا تو انہیں کیا ضرورت تھی اس کو اجازت دینے کی، آپ نے اس کو ٹرانسمیشن میں بھیج دیا، نہ اس کی نیند پوری ہوگی اور شہر کی باتیں سن کے اس کی ساری معصومیت ختم ہوجائے گی۔‘

انہوں نے کہا ’آپ لوگ کس طرح کے لوگ ہیں، کوئی نہ کوئی آپ کو ملنا چاہیے، آپ لوگ پکڑ لیتے ہیں جو اپنی محنت سے بنا ہوا ہے تاکہ آپ لوگوں کے چار چاند لگ جائیں، میں آپ سے کہتی ہوں کہ اپنی ریٹنگ کے لیے بچوں کی معصومیت نہ چھینیں۔‘