صدقہ فطر اور روزے کے فدیہ کی کم سے کم رقم کتنی ہے؟

جمعہ 15 مارچ 2024
icon-facebook icon-twitter icon-whatsapp

شریعہ بورڈ پاکستان کے چیئرمین شیخ الحدیث پروفیسر ڈاکٹر مفتی محمد ظفر اقبال جلالی نے رواں سال کے لیے صدقہ فطر اور فدیہ کی کم از کم رقم مقرر کر دی ہے۔

تفصیلات کے مطابق شریعہ بورڈ کے چیئرمین کے مطابق اس سال کم سے کم صدقہ فطر کی رقم 300 روپے فی کس ہو گی جو کہ 2 کلو گندم کے آٹے کی قیمت کے برابر ہے۔

شیخ الحدیث پروفیسر ڈاکٹر مفتی محمد ظفر اقبال جلالی کا کہنا ہے کہ بیماری کے باعث روزہ چھوڑنے کا فدیہ بھی فی کس 300 روپے ہو گا۔

صدقہ فطر کی رقم جو کے حساب سے کم از کم 600 روپے، کھجوروں کے حساب سے 2400 روپے ہے۔

جو مسلمان کشمش کے وزن کے حساب سے صدقہ فطر دینا چاہیں وہ اپنی اور اہل خانہ کی جانب سے 4400 روپے فی کس رقم مستحقین کو دیں گے۔

 بینک اکاؤنٹس اور ڈپازٹس میں کم از کم ایک لاکھ 35 ہزار 179 روپے رکھنے والوں سے زکوٰۃ منہا کی جائے گی، اس سے کم رقم رکھنے والے صارفین زکوٰۃ کٹوتی سے مستثنیٰ ہوں گے۔

آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں

icon-facebook icon-twitter icon-whatsapp