اوہائیو کے ایک خاندان نے مقامی اسٹیڈیم کی 53 سیڑھیوں پر کھلونا ’سلنکی‘ کامیابی سے چلا کر گنیز ورلڈ ریکارڈ اپنے نام کرلیا ہے۔
یہ بھی پڑھیں: ترکیہ کی خاتون نے کون سا انوکھا عالمی ریکارڈ قائم کیا ہے؟
جو اور کرسٹل لوشنگر اپنے 5 سالہ بیٹے ایکسل کے ہمراہ ویسٹرویل کے اوٹربین اسٹیڈیم پہنچے۔ وہاں انہوں نے سلنکی کے ذریعے سب سے زیادہ سیڑھیاں اترنے کا عالمی ریکارڈ بنانے کی کوشش کی۔
جو لوشنگر، جو ییل اسکول آف میڈیسن میں چوتھے سال کے ریزیڈنٹ ہیں، نے بتایا کہ اس منفرد ریکارڈ کا خیال ان کے بیٹے کا تھا۔ ان کا کہنا تھا کہ ایکسل اس عمر میں ہے جہاں اسے ہر چیز سب سے بڑی، تیز ترین یا انتہائی حد تک منفرد پسند ہوتی ہے۔
View this post on Instagram
حال ہی میں جب ایکسل نے سلنکی سے کھیلنا شروع کیا تو وہ اس کے عالمی ریکارڈ کے بارے میں جاننے کے لیے متجسس ہوا۔ جب انہوں نے معلوم کیا کہ موجودہ ریکارڈ صرف 30 سیڑھیوں کا ہے، تو انہیں لگا کہ اسے توڑا جاسکتا ہے۔
یہ بھی پڑھیں: ’ایگ آن سپون‘ میکسیکو میں نیا انوکھا عالمی ریکارڈ قائم
اس کوشش کے لیے خاندان نے 6 انچ کی قوسِ قزح کے رنگوں والی سلنکی کا انتخاب کیا اور اسے 53 سیڑھیوں پر کامیابی سے دوڑا دیا۔ اس طرح انہوں نے پرانا ریکارڈ باآسانی پیچھے چھوڑ دیا۔
View this post on Instagram
اس سے قبل یہ ریکارڈ مارٹی جوپسن اور ہیو ہنٹ کے پاس تھا جنہوں نے 2014 میں 30 سیڑھیوں پر یہ کارنامہ انجام دیا تھا۔ اب یہ اعزاز اس امریکی خاندان کے پاس آ گیا ہے۔
یہ کامیاب کوشش 14 مئی 2025 کو کی گئی تھی، جسے اب گنیز ورلڈ ریکارڈز کی جانب سے باقاعدہ طور پر تسلیم کر لیا گیا ہے۔
