شیر جسے جنگل کا بادشاہ کہا جاتا ہے اور اس کی مار دھاڑ سے جنگل کے جانور بھی ڈرتے ہیں۔ تاہم حال ہی میں ایک وائرل ہونے والی ویڈیو نے جنگل کے بادشاہ کی ساکھ کو سخت نقصان پہنچایا ہے۔
یہ ویڈیو جنوبی افریقہ کے ’کروگر نیشنل پارک‘ کی ہے۔ ویڈیو میں دیکھا جا سکتا ہے کہ ایک شیر دریا کے عین بیچ میں ایک چٹان پر بیٹھا ہے، وہ چٹان پر کیسے پہنچا ، یہ معلوم نہیں ہوسکا۔
تھوڑی ہی دیر میں دریائی گھوڑوں کا ایک گروہ شیر کی طرف بڑھتا ہے، ان میں سے ایک دریائی گھوڑا اچانک چٹان کے نزدیک آتا ہے اور شیر پر حملہ کردیتا ہے۔
چٹان پر بیٹھے شیر کے پاس اس دریائی گھوڑے کے غصے سے بچنے کے لئے پانی میں کود جانے کے سوا کوئی چارہ نہیں تھا۔
دریائی گھوڑے سے ڈر کر بھاگ نکلنے کی ویڈیو کو یوٹیوب پر اب تک تقریباً17لاکھ مرتبہ دیکھا جا چکا ہے۔
ایک اندازے کے مطابق افریقہ میں ہر سال دریائی گھوڑے تقریباً500افراد کو ہلاک کرتے ہیں۔ دریائی گھوڑوں کے دانت بہت تیز ہوتے ہیں، یہ اپنی جلد کو ٹھنڈا اور نم رکھنے کے لئے زیادہ تر وقت پانی میں گزارتے ہیں۔
